台語華語辭典
台灣記憶
[轉去本站首頁]    [轉去台灣俗語鹹酸甜]

公親 變事主。

    林:里長伯--à!Taⁿ 你來上拄好,請你講一句公道話,陳先生ê 車定定khǹg tiàm 阮門口,擋阮ê 路,按呢敢有理?咱拜託伊駛走,伊煞講he 路也m̄ 是阮ê,逐家攏是厝邊兜,伊實在食人夠夠 !里長伯--à!拜託你kā 講一下好無?
    里長:這無問題,我隨時kā 汝轉達。
    陳:里長伯--à!你看停按呢敢有m̄ 著?
    里長:是無m̄ 著啦!不過逐家攏是厝邊,小諒解一下!mài kap 伊計較。
    陳:無--nò͘!He 是公家劃--ê ê 停車位--neh,無,beh 叫我停去tah?
    里長:既然按呢,實在嘛oh kā 汝拜託,我就來kā 林先生回一下,叫伊卡忍耐咧!
    里長:有影啦!厝邊代,逐家卡有參詳咧總是卡好,其實人陳先生停按呢嘛無m̄ 著,這是公所劃出來ê 停車位。
    林:停車位,停車位,伊哪m̄ 去停ê in hit旁?里長伯--à!你講話著卡有赴人聽 咧,有車ê 人攏嘛ūi 有車--ê,親像阮無車thang 駛ê 人,著一定愛hō͘ 人蹧躂,拜託你里長伯--à 閣去kā 講,無,是beh 用小人--ê ō͘!
    里長:Ah 你哪thang 按呢講?我是憑情理講話,怎thang 講我leh ūi 啥人?既然你若認為按呢講無平坦 ,你就m̄-thang 叫我做公親,歹勢啦!我chit 個里長傷少年,頇慢做,代誌辦無成,煞來「公親變事主」,hō͘ 你不平,請你另chhōe 高明。
    林:是你辦事無公正,煞怪人chhōe 你麻煩,我beh 來去投 調解委員會hō͘ 你看,看啥人卡有理,啥人卡有夠力,啥人ê 情理會贏。
    少年里長伯--à 一直hàiⁿ 頭。親像chiah-ni̍h 無講情理ê 人,hō͘ 你chhap 著 ,無「公親變事主」嘛bē 煞得,卡吞忍咧!
轉去