台語華語辭典
台灣記憶
[轉去本站首頁]    [轉去台灣俗語鹹酸甜]

當頭白日,搶關帝廟。

    關帝廟m̄ 是帝爺廟,關聖帝君m̄ 是帝爺公,帝爺廟服侍--ê 是玄天上帝 帝爺公,伊是北極星自然崇拜之神;關帝廟服侍--ê 是關公,中國小說三國演義內底hit-ê 有情有義ê 關雲長 ,因為伊ê 神勇義氣,m̄-chiah hō͘ 人尊敬那神明,伊一生正氣忠義,最恨邪惡,被封為三界伏魔 大帝,專門鎮邪除惡,歹人上驚,chit-mái 竟然有人日頭赤iāⁿ-iāⁿ ê 日--時 à,beh 搶關帝廟ê 錢財,實在是kā 天公借膽,自chhōe 死路,目睭peh 無金,目睭皮無漿ám --ê m̄-chiah 會按呢非非擅做。
    有人敢「當頭白日,搶關帝廟」,這是顯示啥款社會,啥款時機,台灣經濟ê 崩敗,治安ê 無奈,kan-nā 怪戇百姓m̄ 討趁敢著?你kā 看,那像茶箍波 ê 社會繁華,欠缺人文ê 教化,生活奢華,只要我歡喜,逐項我就敢,色情、黑道,suh 安、po̍ah-kiáu,惡性ê 循環,搶銀行、搶超商,小賊仔無稀罕已經無人beh 做,串做攏嘛做he 大條--ê,莫怪連神明ê 財產,添油香錢,金牌、佛像,攏總beh-ti̍h ,社會ê 亂象,ài 靠司法、警察,司法、警察靠不住,就靠家己ê 運氣,歹運拄著,beh 如何,只好笑笑,若無,氣死驗無傷,beh 如何如何,到尾仔仝款是按怎?怎樣?
轉去