台語華語辭典
台灣記憶
[轉去本站首頁]    [轉去台灣俗語鹹酸甜]

老神在在。

    之一:
    一個大官虎,做事糊塗,hō͘ 人起告訴。
    朋友ê 查某囝,應該著疼,
    怎thang 用治療ê 名,hō͘ 伊著驚?
    推拿、按摩,肉khap 著 肉,hôe-tio̍h 兩點,
    有chit-ê 可能,m̄-kú 人我內心無私!
    你講有理,伊感覺懷疑,煞來誤會?枉屈?仙洗嘛洗bē 離。
    代誌大條,愈會 愈la̍h ,愈絞愈臭,愈來愈有影跡,
    頂司愛你走路,你講慢且是,因為我也無做siáⁿ 歹代誌!
    行為不撿,處理不當,是做官人ê 致命傷,敢講按呢猶無夠氣?
    行為不撿,處理不當,叫伊落台,人伊猶原「老神在在。」
    之二:
    Beh 去北港謁祖 ,二媽三媽,恁著起行,
    厝內香煙,由我來顧,因為鎮殿媽「老神在在」;
    員外in 兜bē 平安,beh 請咱關神明,
    二帝爺三帝爺,隨在恁啥人beh 去遐,
    廟內大小事,有我大帝爺tī 厝,
    「老神在在」,做恁行,免躊躇 。
    結論:
    老神在在,好歹做你來,好--ê m̄ 免驚,歹--ê 是leh 驚啥?
轉去