[轉去本站首頁]    [轉去台灣俗語鹹酸甜]

十婦,九妒。

    「十婦,九妒」!可能有影。M̄-kú 請問,十ê 查甫,有幾個bē 怨妒食醋?
    查甫人ōng-ōng-oa-oa ,花天酒地,有幾個查某人會忍受得?答案是「十婦,九妒」,chhun--ê 迄個m̄ 是假仙 就是頇顢查某;查某人一日走pha-pha ,kap 人學跳舞、唱歌,請問,有幾個查甫人會鼓勵?除非查甫人自己有趣味,若無,敢會無半個 。
    查甫人hèng 粉味 ,四界牢騷罔khoe ,見講就是查某、掠龍、觀光啥物會使胡白bong,請問in 做人妻子ê 婦人lâng,有幾個會thun-lún ?查甫人ê 定論是「十婦,九妒」;換角度看無共款ê 角色,若是換做查甫人ê 另外hit 一半,去舞廳kap 人胡白phōng-chhiah-chhiah,抑是為著in 兜事業tàu 扑拼,姑不將kap 人花kap 人kô ,請問有幾個做翁婿--ê 講beh?除了看錢目睭金,甘願展出o͘-kui 性地,若無,一定十個.十個攏講阮哪beh ?
    「十婦,九妒」?若論男女私情,抑是翁某相kheng-hun 感情,beh 講「十婦,九妒」,不如講「十個查甫,十個無度量」。對感情ê 自私獨占來看,查甫人比查某人實在卡容易食醋,只是為著beh 維護查甫人ê 自尊,嘴講無要緊,其實自古以來著真掛意,m̄-chiah 會用「十婦,九妒」chit 句名言kā 查某人食定,就是明證。
[轉去本站首頁]    [轉去台灣俗語鹹酸甜]