轉去

Āu-pái chiah sio hō͘--lí

後擺才燒hō͘--你

  Chúi--a tng leh thiaⁿ hôai-liām ê Tâi-gí lāu koa, iu-bí ê soan-lu̍t lit-ti̍t ùi kōaⁿ ê im-hióng hòng-sàng--chhut-lâi, in lāu-pē mā tī piⁿ--a thiaⁿ kah thâu khi-khi, kha-kut tòe tio̍h chiat-chàu leh phah-phek, chhùi nih koh it-ti̍t o-ló kóng chiah ū kàu chán!  水--a tng leh聽懷念ê台語老歌,優美ê旋律一直ùi手kōaⁿ ê音響hòng-sàng--出-來,in老pē mā tī邊--a聽kah頭khi-khi,kha骨tòe tio̍h節奏leh phah-phek,嘴nih koh一直o-ló講有夠讚!
  "A-pâ, lí nā hiah-nih kah-ì, āu-pái góa chiah sio hō͘--lí-lah! "  「阿pâ,你若hiah-nih合意,後擺我才燒hō͘--你-lah!」
  " Hâⁿ~á, lí sī leh kóng siáⁿ-mi̍h? Lí sī kóng tán kàu góa sí, chiah beh tī kha-bóe sio hō͘ góa--o͘?"  「Hâⁿ~á,你是leh講siáⁿ-mi̍h?你是講等到我死,才beh tī kha尾燒hō͘我--o͘?」
  "A-pâ, lí gō͘-hōe--a-lah, góa sī beh iōng tiān-náu koh sio-lo̍k 1-tè CD, thang hō͘ lí thiaⁿ--lah! "  「阿pâ,你誤會--a-lah,我是beh用電腦koh燒錄1塊CD,thang hō͘你聽--lah!」
Thê-kiong-chiá : Iûⁿ Chín-jū
轉去