|
Pah gō͘ kho͘, koh sàng 1-ê niâ |
百五箍，閣送一個娘 |
 3 go̍eh té, Kang sió-chiá kap lâng khì Niau-phīⁿ-thâu iû-lám. Lâm Tâi-ôan ê ji̍t-thâu chiâⁿ jia̍t-chêng, pha̍k kah hō͘ lâng kiông beh tòng-bōe-tiâu, Kang sió-chiá chi̍t lo̍h-chhia tō kín cháu khì siong-tiàm, beh bé 1-téng bō-á thang jia ji̍t-thâu. | 3月底，江小姐kap人去貓鼻頭遊覽。南台灣ê日頭chiâⁿ熱情，pha̍k kah hō͘人強beh tòng-bōe-tiâu，江小姐一落車tō緊走去商店，beh買一頂帽仔thang遮日頭。 |
| "Thâu-ke, chit téng bō-á gōa chē?" | 「頭家，這頂帽仔外濟？」 |
| "Pah gō͘ kho͘ niâ!" Thâu-ke chhiò-bi-bi kā Kang sió-chiá ìn. | 「百五箍niâ！」頭家笑bi-bi kā江小姐應。 |
| "Pah gō͘ kho͘, iáu koh niâ?" Kang sió-chiá hiâm siuⁿ-kùi. | 「百五箍，猶koh niâ？」江小姐嫌siuⁿ貴。 |
| "Sió-chiá, ū kàu sio̍k--a lah, pah gō͘ kho͘, koh sàng 1-ê niâ--neh!" | 「小姐，有夠俗--a lah，百五箍，koh送一個娘--neh！」 |
| [Chù]Pah gō͘ kho͘ niâ: 150 kho͘ niā-niā, niā-niā liâm leh kóng, piàn chò niâ. | 【註】百五箍niâ： 150箍 niā-niā， niā-niā 連leh講，變做 niâ。 |
| Thê-kiong-chiá : Iûⁿ Chín-jū | |