轉去

Chhit-thâu-chôa

七頭蛇

  A-má ! a-má ! kín lâi khòaⁿ , tiān-sī leh chò 7-thâu-chôa--ō͘ !  阿媽! 阿媽! 緊來看,電視leh作七頭蛇--ō͘ !
  Siáⁿ-mih 7-thâu-chôa ? 2 lia̍p thâu--ê tō bat thiaⁿ--kòe , sè-kan ná ū he 7 lia̍p thâu--ê ? he phiàn--lâng-ê-lah .  啥物七頭蛇?二粒頭--ê就bat聽--過,世間那有he七頭蛇?He騙--人-ê-lah,
  A-má ! a-má ! khah-kín lâi khòaⁿ--lah ,chin--ê-neh ! tī thô͘-kha ngia̍uh-ngia̍uh-sô--ō͘ .  阿媽! 阿媽!khah緊來看--lah,真--ê-neh !佇土腳 ngia̍uh-ngia̍uh-sô--ō͘ .
  Ah 7 lia̍p thâu sī beh án-chóaⁿ sô ?  Ah七粒頭是beh按怎sô ?
  1 thâu sô 1 ūi--a .  一頭sô一位--a。
  Án-ni kám sô ē tín-tāng ?  按呢敢sô ê tín動?
  Ē--lah ! 1 thâu sô 1 ūi ,ū ê sô khì thâu-chêng ,ū-ê sô khì āu-piah ,ū-ê sô khì chiàⁿ-pêng ,ū-ê sô khì tò-pêng ,chin chhù-bī ,a-má ! kín lâi khòaⁿ--lah !  會--lah !一頭sô͘一位,有ê去頭前,有ê sô͘去後壁,有ê sô͘去正旁,有ê sô͘去倒旁,真趣味,阿媽!緊來看--lah !
Thê-kiong-chiá : Siau Lah-jih
轉去