轉去

Sî-cheng sî-kan bô kâng

時鐘時間無kâng

  Ū chi̍t-ê lâng khì kàu chhia-thâu beh chē hóe-chhia, chhia iáu-bōe lâi, I chiū tī tōa-thiaⁿ hia se̍h-lâi-se̍h-khì, bô-ì-tiong khòaⁿ-tio̍h tiàu tī tōa-thiaⁿ ê 2-ê sî-cheng sî-kan bô kâng, chha cha̍p-gō͘ hun-cheng, I chiū hó-sim khì kā ho̍k-bū jîn-gôan kóng in chit 2-ê sî-cheng bô tùi hó-sè, hō͘-siong chha cha̍p-gō͘ hun-cheng. Siūⁿ bē-kàu ōe chi̍t kóng soah, ho̍k-bū jîn-gôan kā ìn kóng : "Sian-siⁿ--a, góan chá chiū chai-iáⁿ chit 2-ê sî-cheng ê sî-kan bô kâng, m̄-koh, lí kā siūⁿ khòaⁿ-māi--leh,ká-sú in nā lóng kāng-khóan, lán thài tio̍h pâi 2-ê tiàm hia ? "  有一個人去到車頭beh坐車,車iáu-bōe來,伊就tī大廳hia se̍h來se̍h去,無意中看著吊tī大廳 ê二個時鐘時間無kâng,差十五分鐘,伊就好心去kā服務人員講in chit二個時鐘無對好勢,互相差十五分鐘。想bē到話一講soah,服務人員kā應講:「先生--a,góan早就知iáⁿ chit 二個時鐘 ê 時間無kâng,m̄-koh你kā想看māi--leh,假使in若lóng kāng款,lán thài tio̍h 排二個 tiàm hia?」
Thê-kiong-chiá : Tiuⁿ Ha̍k-khiam
轉去