Sèng-ke̍k tē 3 chi̍p_01
| 聖劇第三集_01 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| N̂g Hôai-un | 黃懷恩 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Lōng-chú Hôe-thâu | 浪子回頭 Chhì-Tiong Hoe| 刺中花 | N̂g Hôai-in Chok黃懷恩作 | Chok-chiá Ê Ōe作者ê 話 | Phah-sǹg lán ōe hoat-kiàn tio̍h tē-saⁿ-chi̍p ê hong-keh ū kap chêng 1,2 chi̍p khah bô siâng. Che sī in-ūi ài beh èng-hù tōe-hng kàu-hōe ê iau-kiû lâi siá ê, phah-sǹg ōe hō͘ lán chē-chē kàu-hōe kám-kak khah sek-ha̍p. Jîn-bu̍t iā m̄-bián tio̍h chin chē lâng, tī kok hong-bīn ōe khah si̍t-ēng.扑算咱會發見著第3集ê 風格有kap前1、2集較無像。這是因為ài beh應付地方教會ê 要求來寫ê，扑算會hō͘ 咱濟濟教會感覺較適合。人物也m̄免著真濟人，tī 各方面會較實用。 | Lán tiong-hōe ê kò-sêng sī tōe-hng kàu-hōe chiàm ū saⁿ-hūn ê nn̄g-hūn, só͘-í ǹg-bāng tōe-hng kàu-hōe ōe-thang lī-ēng.咱中會ê 構成是地方教會佔有三分ê 二分，所以向望地方教會會thang 利用。 | Nā-sī ke̍k-pún m̄-tiāⁿ sī beh ián ê lō͘-ēng, chò tha̍k iā put-chí hó, chhin-chhiūⁿ tha̍k siáu-soat á-sī kò͘-sū chi̍t-poaⁿ hō͘ lán ōe kám-kak chin chhù-bī.若是劇本m̄-tiāⁿ 是beh 演ê 路用，做讀也不止好，親像讀小說抑是故事一般hō͘ 咱會感覺真趣味。 | Nā-sī ēng-gú bô ha̍h ê só͘-chāi ǹg-bāng ka-kī koh ké-chèng, khah hó nā ōe-thang tī iá-gōa chò pò͘-tō ēng lâi ián sī khah an-chôan.若是用語無合ê 所在向望家己koh 改正，較好若會thang tī 野外作佈道用來演是較安全。 | Ǹg-bāng Siōng-tè sù-hok lán kin-nî ū chin khòai-lo̍k ū ì-gī ê Sèng-tàn cheh.向望上帝賜福咱今年有真快樂有意義ê 聖誕節。 | 1958.7. 15. N̂g Hôai-in 梅山1958. 7. 15.黃懷恩 梅山 | Lōng-chú Hôe-thâu浪子回頭 | 浪子回頭 二幕浪子回頭 二幕 | 人物：老婆、雪花、醫師、英傑、老板、福哥、市民a、市民b、警官。人物：阿婆、雪花、醫師、英傑、老板、福哥、市民a、市民b、警官。 | 第一幕第一幕 | 出場人物：老婆、雪花、醫師、英傑出場人物：阿婆、雪花、醫師、英傑 | 場 面：一個赤貧的家裡場面：一個赤貧ê 家裡 | 開 幕：老婆躺在右邊的床上，醫師正用診察器診察她，小女雪花在一旁仕奉之，左邊有一個小桌子，上面有醫師的皮包開幕：阿婆倒tī 正爿ê 床頂，醫師tú 用診察器診察伊，小女雪花tī一爿事奉伊，倒爿有一個細桌仔，頂面有醫師ê 皮包。 | 1. 醫師: Hng, sim-chōng khah bô-la̍t, chhau-lô khah kòe-thâu ê khóan.1. 醫師：Hng，心臟較無力，操勞較過頭ê 款。 | (醫師回到桌子收他的東西)(醫師轉去桌仔收伊ê 物件) | 2. 小女: Sian-seⁿ, góan a-bú ê pēⁿ-thé m̄-chai ū iàu-kín bô? Lí khòaⁿ liáu cháiⁿ-iūⁿ?2. 小女：先生，阮阿母ê 病體m̄ 知有要緊無？你看了怎樣？ | 3. 醫師: Bô sím-mi̍h iàu-kín. Lāu-lâng khah lóan-jio̍k, só͘-í nā khah chēng-ióng chiū liam-piⁿ hó-sè. Lí chiah lâi góa hia the̍h io̍h.3. 醫師：無甚物 要緊。老人較軟弱，所以若較靜養就liam-piⁿ好勢。你chiah來我hia提藥。 | 4. 小女: Hó, góa chiah sûi-sî lâi khì the̍h, sian-seⁿ,lô-hôan lí kiâⁿ chiah hn̄g ê lō͘, chin to-siā lí.4. 小女：好，我chiah 隨時來去提，先生，勞煩你行chiah 遠ê 路，真多謝你。 | 5. 醫師: Bōe, bōe! (kiâⁿ óa a-pô)A-pô, bô sím-mi̍h tāi-chì, chia̍h io̍h liam-piⁿ tio̍h hó, tio̍h pàng-sim m̄-thang hôan-ló.5. 醫師：Bōe，bōe！(行倚阿婆)阿婆，無甚物代誌，食藥liam-pīⁿ 著好，著放心m̄-thang 煩惱。 | 6. 老婆: Sian-seⁿ, chin to-siā lí, (起身)lô-hôan lí kiâⁿ chiah hn̄g ê lō͘, si̍t-chāi chin bōe kòe sim.6. 阿婆：先生，真多謝你，(起身) 勞煩你行chiah 遠ê 路，實在真bōe 過心。 | 7. 醫師: Lí m̄-thang án-ne kóng, lí tio̍h sī án-ne gâu kāu-chhau-hôan lah!7. 醫師：你m̄-thang án-ne講，你著是án-ne gâu kāu操煩lah！ | 8. 老婆: Góa kin-á-ji̍t sin-thé ōe tì-chhú án-ne lóng- sī ūi-tio̍h góa chi̍t ê put-siàu kiáⁿ ê iân-kò͘.8. 阿婆：我今仔日身體會致此án-ne 攏是為著我一個不肖子ê 緣故。 | 9. 醫師: Lí ê kiáⁿ sī án-chóaⁿ tio̍h bô?!9. 醫師：你ê子是án-chóaⁿ 著無？！ | 10. 老婆: Góa ū chi̍t ê to̍k-seⁿ ê hāu-seⁿ, tōa-hàn sòa pìⁿ-siàng, mê-ji̍t lóng hòng-tōng tī gōa-bīn, lām-sám chò húi-lūi. Góa nā siūⁿ-tio̍h góa ê kiáⁿ góa ê sim chiū thàng-thiàⁿ kàu beh sí-khì. (lâu ba̍k-sái).10. 阿婆：我有一個獨生ê後生，大漢續變相，暝日攏放蕩tī 外面，lām-sám做匪類。我若想著我ê子我ê 心就疼痛到beh 死去。(流目屎)。 | 11. 醫師: Ho͘, gôan-lâi sī án-ne. Chóng-sī a-pô, lí m̄- thang hôan-ló, lí tio̍h thòe i kî-tó, Siōng-tè chiū ōe kái-piàn i.11. 醫師：Ho͘，原來是án-ne。總是阿婆，你m̄-thang 煩惱，你著替伊祈禱，上帝就會改變伊。 | 12. 老婆: Siōng-tè kiám ū hoat-tō͘ thang kái-piàn i, he si̍t-chāi sī chi̍t ê pháiⁿ kàu chhut-chhóe ê mi̍h.12. 阿婆：上帝kiám 有法度thang 改變伊，he 實在是一個歹到出髓 ê 物。 | 13. 醫師: A-pô, lí nā lâi sìn Iâ-so͘, pài Siōng-tè, Siōng-tè chiū ū hoat-tō͘ lah.13. 醫師：阿婆，你若來信耶穌，拜上帝，上帝就有法度lah 。 | 14. 老婆: Siōng-tè nā ōe kái-piàn i, góa chin hoaⁿ-hí lâi sìn, si̍t-chāi góa sī í-keng chìn bô pō͘ thòe bô lō͘ lah.14. 阿婆：上帝若會改變伊，我真歡喜來信，實在我是已經進無步退無路lah 。 | 15. 醫師: Án-ne hó, góa lé-pài-ji̍t chiah lâi chhōa lín khì lé-pài.15. 醫師：Án-ne好，我禮拜日chiah 來chhōa lín 去禮拜。 | 16. 老婆: Sian-seⁿ, chin to-siā , tit tio̍h lí chin tōa ê pang-chān, chin ló͘-la̍t.16. 阿婆：先生，真多謝，得著你真大ê 幫贊，真ló͘力。 | 17. 醫師: Lí tio̍h to-siā Siōng-tè, che lóng sī Siōng-tè ê thiàⁿ. Án-ne hó góa lâi khì, pêng-an.17. 醫師：你著多謝上帝，這攏是上帝ê 疼。Án-ne好我來去，平安。 | 18. 小女: Sian-seⁿ, chit ê io̍h-chîⁿ góa lēng-ji̍t chiah lâi kiáu-la̍p m̄-chai ōe sái-tit bōe? In-ūi hiān-chāi chhù-lāi tú-tn̄g bô chîⁿ.18. 小女：先生，這個藥錢我另日才來繳納m̄ 知會使得bōe？因為現在厝內tú-tn̄g 無錢。 | 19. 醫師: Bô iàu-kín! m̄-thang khòa-lū hit ê sū, tio̍h lâi the̍h io̍h.(醫師退場)19. 醫師：無要緊！m̄-thang 掛慮hit ê事，著來提藥。(醫師退場) | 20. 老婆: Soat-hoa, góa tio̍h kā lí kóng m̄-bián kiò i-seng lâi, lí thái beh án-ne, lí bô siūⁿ lán chhù-lāi lóng bô chîⁿ, liān chia̍h pn̄g tio̍h bōe kò͘-tit.20. 阿婆：雪花，我著kā 你講m̄免叫醫生來，你thái beh án-ne，你無想咱厝內攏無錢，liān食飯著bōe 顧得。 | 21. 小女: A-bú, lí m̄-bián khòa-ì chit ê sū, lí tio̍h pàng-sim lâi chia̍h io̍h thang kóaⁿ-kín hó, í-gōa ê sū góa chiah siat-hoat, nā siat-sú lóng bô chîⁿ góa chiah chiong góa chit kha kim chhiú-chí lâi piàn-bē lâi la̍p io̍h-chîⁿ lah.21. 小女：阿母，你m̄免掛意這個事，你著放心來食藥thang 趕緊好，以外ê事我才設法，若設使攏無錢我才將我這kha金手指來變賣來納藥錢lah 。 | 22. 老婆: Soat-hoa, si̍t-chāi hō͘ lí chin lô-khó͘ tio̍h-bôa, a-bú lóng bōe-thang kā lí chai-pôe, hóan-tńg tit-tio̍h lí chin tōa ê pang-chān. Siat-sú lí ê a-hiaⁿ nā bô pháiⁿ-kiáⁿ, á-sī lí ê a-pa nā bô chá kòe-sin lán bó-kiáⁿ tio̍h m̄-bián chiah-ni̍h pháiⁿ-miā(háu).22. 阿婆：雪花，實在hō͘ 你真勞苦著磨，阿母攏bōe-thang kā 你栽培，反轉得著你真大ê 幫贊。設使你ê 阿兄若無歹子，抑是你ê 阿爸若無早過身咱母子著m̄免chiah-ni̍h歹命(哮)。 | 23. 小女: A-bú, chhiáⁿ lí m̄-thang koh siūⁿ-tio̍h hiah ê sū lâi ka-kī kek-sim iu-būn. Lí bô thiaⁿ hit ê sian-seⁿ teh kóng lán nā sìn Iâ-so͘ kî-tó Siōng-tè,Siōng-tè chiū ōe kái-piàn a-hiaⁿ, lán iàu-kín tio̍h kín-kín lâi khì thiaⁿ tō-lí lah.23. 小女：阿母，請你m̄-thang koh 想著hiah ê 事來家己激心憂悶。你無聽hit ê 先生teh 講咱若信耶穌祈禱上帝，上帝就會改變阿兄，咱要緊著緊緊來去聽道理lah。 | 24. 老婆: Sī lah, tû-khì sìn Iâ-so͘ pài Siōng-tè í-gōa iā bô lō͘ lah..................Taⁿ lí ê a-hiaⁿ m̄-chai kúi-ji̍t bô tńg-lâi lah hò͘ⁿ?24. 阿婆：是lah，除去信耶穌拜上帝以外也無路lah…今你ê 阿兄m̄知幾日無轉來lah hò͘ⁿ？ | 25. 小女: Chha-put-to cha̍p gōa-ji̍t bô tńg-lâi lah!25. 小女：差不多十外日無轉來lah！ | 26. 老婆: M̄-chai tī sím-mi̍h só͘-chāi? m̄-chai ū pêng-an á bô? seⁿ tio̍h hit-khóan pháiⁿ-kiáⁿ, si̍t-chāi it-seng òan-thàn.26. 阿婆：M̄ 知tī 甚物 所在？m̄ 知有平安抑無？生著hit 款歹囝，實在一生怨嘆。 | 27. 小女: A-bú, lí m̄-bián koh kā i siūⁿ lah, nā ū sèⁿ-miā i chiū ōe koh tńg-lâi lah, koh hit-khóan lâng tńg-lâi lóng bô hó tāi-chì, lí siàu-liām i ū sím-mi̍h lō͘-ēng.(浪子英傑出場)27. 小女：阿母，你m̄ 免koh kā 伊想lah ，若有性命伊就會koh 轉來lah，koh hit 款人轉來攏無好代誌，你數念伊有甚物 路用。(浪子英傑出場) | 28. 浪子: Lâng nā bô chîⁿ chiū kiâⁿ bô lō͘ ........ Góa nā lâi kàu chit ê mn̂g-kháu, chiū ti̍t-ti̍t beh áu-náu khí-lâi. Sàn kàu kúi tio̍h m̄-káⁿ óa-lâi, nā siūⁿ-tio̍h chit-khóan sàn-chhiah ê ka-têng sim-lāi chin thòng-hūn, khòaⁿ chheng khòaⁿ bān mā bô lâng chhin-chhiūⁿ chit-khóan ê ka-têng, si̍t-chāi chhut-sì tī chit-khóan ka-têng sī soe-bái kàu-ke̍k........O͘-í, góa tńg-lâi lah, khui-mn̂g lah! (phah mn̂g, 小女lâi khui-mn̂g).28. 浪子：人若無錢就行無路…我若來到這個門口，就直直beh 懊惱起來。散到鬼著m̄ 敢倚來，若想著這款散赤ê 家庭心內真痛恨，看千看萬mā 無人親像這款ê 家庭，實在出世tī 這款家庭是衰bái 到極…O͘-í，我轉來lah，開門lah！(扑門，小女來開門)。 | 29. 小女: Ah, A-hiaⁿ! A-bú, A-hiaⁿ tńg-lâi lah!29. 小女：Ah，阿兄！阿母，阿兄轉來lah ！ | 30. 老婆: Eng-kiat, lí tńg-lâi tio̍h bô, lí sī khì tó-ūi lah, chiah-ni̍h kú lóng bô tńg-lâi.30. 阿婆：英傑，你轉來著無，你是去tó位lah，chiah-ni̍h 久攏無轉來。 | 31. 浪子: Góa ê sū lí m̄-bián kā góa kan-sia̍p, kiat-kio̍k lí iā bô thang hō͘ lí ê kiáⁿ hēng-hok lah............ Ū tê bô?31. 浪子：我ê 事你m̄ 免kā 我干涉，結局你也無thang hō͘ 你ê子幸福lah …有茶無？ | 32. 老婆: Soat-hoa, lí khì thîn chi̍t-poe tê chhut-lâi hō͘ lín a-hiaⁿ lim.(A-hoa bô gōan-ì ê khóan khì phâng-tê chhut-lâi).32. 阿婆：雪花，你去thîn一杯茶出來hō͘ lín 阿兄飲。(阿花無願意ê 款去捧茶出來)。 | 33. 小女: A-hiaⁿ, chhiáⁿ lí ēng tê,(chih tê ê sî hut-jiân khòaⁿ-tio̍h).33. 小女：阿兄，請你用茶。(chih 茶ê 時忽然看著)。 | 34. 浪子: Ah, lí kòa che sī sím-mi̍h? Pak khí-lâi, pak khí-lâi!!34. 浪子：Ah，你掛這是甚物？剝起來，剝起來！！ | 35. 小女: A-hiaⁿ, lí sī beh chhòng sím-mi̍h lah! chit ê m̄-sī lí ê lah, che sī góa chò khó͘-kang só͘ khiām lâi hak ê mi̍h lah!35. 小女：阿兄，你是beh 創甚物 lah！這個m̄ 是你ê lah ，這是我做苦工所儉來hak ê 物lah ！ | 36. 浪子: Lí m̄-bián ke kóng ōe, kín pak khí-lâi, nā bô sī beh phah hō͘ lí sí ô͘(nn̄g-lâng saⁿ chhiúⁿ,老婆óa khì chiàm).36. 浪子：你m̄ 免加講話，緊剝起來，若無是beh 扑hō͘ 你死ô͘ (兩人相搶，阿婆倚去chiàm ) 。 | 37. 老婆: Soat-hoa, pak khí-lâi hō͘ i lah, pak khí-lâi hō͘ i lah!37. 阿婆：雪花，剝起來hō͘ 伊lâh，剝起來hō͘ 伊lah ！ | 38. 浪子: Góa teh bô chîⁿ thang ēng, lí chiah chiong chit ê kòa tī chhiú-ni̍h, pak-tó͘ pa̍k teh iau lí chiah teh ài súi. (chhiú-chí pak khí-lâi) Chit ê chòe chió mā ū nn̄g-pah gōa kho͘. Lâng sī chîⁿ teh chò lâng, nā bô chîⁿ chiū ū si̍t mā bô hoat-tō͘ thang poe thiⁿ, ū chîⁿ chiah ū chhin, bô chîⁿ chiū m̄ chún lí sī sím-mi̍h lâng, che chiū-sī kiò chòe sè-kan lâng lah.38. 浪子：我teh 無錢thang 用，你chiah 將這個掛tī 手ni̍h ，腹肚縛teh 枵你chiah teh 愛水。(手指剝起來)這個最少mā 有二百外箍。人是錢 teh 做人，若無錢就有翼mā 無法度thang 飛天，有錢才有親，無錢就m̄准你是甚物人，這就是叫做世間人lah 。 | 39. 小女: A-hiaⁿ, lí chôan-jiân lóng bô liông-sim, lán ka-têng hiān-chāi lóng bô thang chia̍h, lí chai bô? A-bú ūi-tio̍h lí mê-ji̍t thòng-khó͘ tì-kàu sin-thé tài pēⁿ bōe khí chhn̂g, lí chai bô? Lí kàu chit ê sî iáu m̄-chai thang chhéⁿ-ngō͘ hóan-tńg chiong góan só͘ óa-khò ê chhiú-chí kā góan pak khì, lí chôan-jiân lóng bô thian-liông.39. 小女：阿兄，你全然攏無良心，咱家庭現在攏無thang 食，你知無？阿母為著你暝日痛苦致到身體帶病bōe 起床，你知無？你到這個時iáu m̄ 知thang 醒悟反轉將阮所倚靠ê 手指kā 阮剝去，你全然攏無天良。 | 40. 浪子: Sím-mi̍h! Lí teh ke kóng ōe! sím-mi̍h kiò-chò liông-sim, sím-mi̍h kiò-chò thian-liông, ū chîⁿ siōng iàu-kín lah, chhin-chhiūⁿ chit-khóan sàn phí-phí ê ka-têng eng-kai siū chiù-chó͘ hó lah,chit-khóan ê ka-têng ū sím-mi̍h hó thang hō͘ lâng liû-sim? Lú-khòaⁿ lú àu-náu, lú siūⁿ lú chheh.40. 浪子：甚物！你teh 加講話！ 甚物叫做良心，甚物叫做天良，有錢上要緊lah，親像這款散phí-phí ê 家庭應該受咒詛好lah，這款ê 家庭有甚物好thang hō͘ 人留心？愈看愈懊惱，愈想愈chheh 。 | 41. 老婆: Eng-kiat, lí tio̍h sià-bián góa bô kàu-gia̍h chīn góa ê pún-hūn chai-pôe lí, hō͘ lí thang tit-tio̍h hēng-hok. Lí mā chai, lín a-pa tī lín sòe-hàn ê sî chiū kòe-sin, a-bú chiū ēng góa lóan-jio̍k cha-bó͘ lâng ê chhiú lâi iúⁿ-chhī lín nn̄g-lâng. Bô-lūn hong-hō͘ bô-lūn kôaⁿ-jo̍ah, góa lóng sī phoe-miā lâi teh chò kang, chi̍t ê āiⁿ tī kha-chiah, chi̍t ê khan tī chhiú-ni̍h khì kā lâng sóe saⁿ, ū sî tio̍h àm-mê iā bô khùn lâi kā lâng chò saⁿ, ū sî tio̍h ji̍p khì chhim-soaⁿ táu-té khì khioh tek-hio̍h chhut-lâi bē, hit ê kan-khó͘ si̍t-chāi bô hoat-tō͘ thang kóng. Khiok a-bú bô òan-thàn, in-ūi góa chin hoaⁿ-hí ūi-tio̍h lín nn̄g lâng án-ne chò, sī ǹg-bāng lín nn̄g-lâng chiong-lâi ōe kap lâng saⁿ chhin-chhiūⁿ, ōe-thang hēng-hok, chóng-sī bô gî-ngō͘, ē chiâⁿ-chò kin-á-ji̍t chit-khóan ê chhám-kéng(háu), góa ê lô-khó͘ lóng kui tī o͘-iú, góa ê bîn-bāng lóng soah khì lah!41. 老婆：英傑，你著赦免我無夠額盡我ê 本分栽培你，hō͘ 你thang 得著幸福。你mā 知，lín 阿爸tī lín 細漢ê 時就過身，阿母就用我軟弱查某人ê 手來養飼lín 兩人。無論風雨無論寒熱，我攏是phoe 命來teh 做工，一個背tī 腳脊，一個牽tī 手ni̍h 去kā 人洗衫，有時著暗暝也無睏來kā 人做衫，有時著入去深山斗底去拾竹葉出來賣，hit ê 艱苦實在無法度thang 講。卻阿母無怨嘆，因為我真歡喜為著lín 兩人án-ne做，是向望lín 兩人將來會kap人相親像，會thang幸福，總是無疑誤，會成做今仔日這款ê慘景(哮)，我ê 勞苦攏歸tī 烏有，我ê 眠夢攏煞去lah ！ | 42. 浪子: Chit khóan sī thang kiàn-siàu, thang iàm-ò͘ ê le̍k-sú, lí m̄-thang koh hō͘ góa thiaⁿ-kìⁿ chit-khóan ōe, lú thiaⁿ sī lú kan-khó͘ sim. Góa beh lâi khì lah, góa kap chit-khóan siū chiù-chó͘ ê ka têng éng-óan sī bô kan-sia̍p lah(退場).42. 浪子： 這款是thang 見笑，thang 厭惡ê 歷史，你m̄-thang koh hō͘ 我聽見這款話，愈聽是愈艱苦心。我beh 來去lah，我kap 這款受咒詛ê 家庭永遠是無干涉lah (退場) 。 | 43. 小女: A-bú, taⁿ lán beh án-chóaⁿ, chhù-lāi lóng bô chîⁿ, koh io̍h-chîⁿ mā sòa bô hoat-tō͘ thang la̍p lah.43. 小女：阿母，今咱beh án-chóaⁿ，厝內攏無錢，koh 藥錢mā 續無法度thang納lah。 | 44. 老婆: Bô iàu-kín lah, chhut-chāi thiⁿ ê an-pâi lah, góa chêng-sì m̄-chai hōan-tio̍h sím-mi̍h tōa-chōe, kim-seng chiah lâi tú-tio̍h chiah-ni̍h pháiⁿ-miā.44. 阿婆：無要緊lah，出在天ê 安排lah，我前世m̄ 知犯著甚物大罪，今生chiah 來tú 著chiah-ni̍h 歹命。 | 45. 小女: A-bú, lí m̄-thang kòe-thâu òan-thàn lah, hit ê sian-seⁿ ū beh chhōa lán khì sìn Iâ-so͘, lán nā khì sìn kiám-chhái ōe-thang khah hó-sè lah.45. 小女：阿母，你m̄-thang 過頭怨嘆lah，hit ê 先生有beh chhōa 咱去信耶穌，咱若去信kiám-chhái 會thang較好勢lah。 | 46. 老婆: Sī lah, taⁿ tio̍h bāng Iâ-so͘ lâi chín-kiù lán lah.(吟詩聖詩222首之調)46. 阿婆：是lah，今著望耶穌來拯救咱lah。(吟詩聖詩222首ê 調) | 1. Chò lâng tiàm chit sè-kan Si̍t-chāi iu-būn khó͘-thàng Óa-khò Iâ-so͘ hû-chhî pó-hō͘ Ǹg-bāng sim-lāi an-lo̍k 1. 做人tiàm 這世間 | 實在憂悶苦痛 倚靠耶穌扶持保護 向望心內安樂 2. Siūⁿ kàu góa ê kiáⁿ-jî Tì-kàu mê-ji̍t ai-òan Siáⁿ-sî i ōe hôe-thâu tńg-ì Chí ū bāng Chú lîn-bín 2. 想到我ê 子兒 | 致到暝日哀怨 啥時伊會回頭轉意 只有望主憐憫 ─Bō͘─--幕-- | 第二幕第二幕 | 出場人物：浪子、老板、福哥、醫師、市民a、市民b、警官。出場人物：浪子、老板、福哥、醫師、市民a、市民b、 警官。 | 場 面：公園內場 面：公園內 | 開 幕：公園黃昏的光影，浪子束手靠在樹幹開 幕：公園黃昏ê 光影，浪子束手靠tī 樹身 | 1.浪子: Lâng nā bô chîⁿ chiū kiâⁿ bô lō͘, lâng beh chò tāi-chì bô chîⁿ chiū bô piàn-pō͘, ū chîⁿ lí-hiaⁿ góa-tī chi̍t tōa-tīn, bô chîⁿ chiū bô lâng káⁿ óa-lâi,sè-kan si̍t-chāi sī thài bô chêng.......Ah, chîⁿ ēng liáu sim chin ut-chut, thâu-khak siūⁿ chîⁿ siūⁿ kàu îⁿ-tîⁿ. Taⁿ tio̍h tiàm chit ê chhiū-kha lâi chò khòaⁿ ū sím-mi̍h n̂g-kim-bāng á-bô.(坐下)1. 浪子：人若無錢就行無路，人beh 做代誌無錢就無變步，有錢你兄我弟一大陣，無錢就無人敢倚來，世間實在是太無情…Ah，錢用了心真鬱卒，頭殼想錢想到îⁿ-tîⁿ 。今著tiàm 這個樹腳來做看有甚物 黃金夢抑無。(坐下) | 2.老板: Chit ê lâng koh bīn-se̍k bīn-se̍k, gôan-lâi chiū-sī Eng-kiat-á. O͘-í, Eng-kiat, chin chhàu-khám, góa tú-tú teh chhōe lí.2. 老板：這個人koh 面熟面熟，原來就是英傑仔。O͘-í，英傑，真chhàu-khám ，我tú-tú teh chhōe 你。 | 3.浪子: O͘h, lí sī chhài-tiàm ê láu-pán! lí chhōe góa ū sím-mi̍h kùi-sū.3. 浪子：O͘h，你是菜店ê 老板！你chhōe 我有甚物 貴事。 | 4.老板: Taⁿ lí sòa teh ké gōng, lí sòa m̄-chai góa chhōe lí beh án-chóaⁿ, lí chêng-ji̍t khiàm hiah ê chîⁿ tàu-té sī sím-mi̍h sî chiah beh hêng lah?!4. 老板：今你續 teh 假憨，你續 m̄ 知我chhōe 你beh án-chóaⁿ，你前日欠hiah ê 錢到底是甚物 時才beh 還lah？！ | 5.浪子: Láu-pán, lí m̄-bián khòa-lū, góa bōe cháu lí hiah ê chîⁿ lah. Góa lēng-ji̍t nā ū chîⁿ chiū ōe kap lí sǹg chheng-chhó lah, chhiáⁿ lí koh hō͘ góa khiàm chi̍t-ē lah.5. 浪子：老板，你m̄免掛慮，我bōe 走你hiah ê 錢lah。我另日若有錢就會kap 你算清楚lah，請你koh hō͘ 我欠一下lah。 | 6.老板: Lí só͘ kóng ê ōe bô chi̍t kù ōe sìn tit, siàu-liân lâng m̄-tam su-iâⁿ, káⁿ chò tio̍h káⁿ tam-tng chiah hó, góa sī hō͘ lí bōe phiàn tit ê lâng, hān-kàu nî-bóe lí nā bô lâi sǹg siàu, góa chiū ū pān-hoat!(退場)6. 老板：你所講ê 話無一句會信得，少年人m̄-tam 輸贏，敢做著敢擔當才好，我是hō͘ 你bōe 騙得 ê 人，限到年尾你若無來算帳，我就有辦法！(退場) | 7.浪子: Soe-ūn bô tan hêng, lâng bô chîⁿ sim-lāi chin ut-chut koh tú-tio̍h chit ê o̍ah-kúi lâi teh kiáu-jiáu. Ah, chit sè-kan lóng sī hû-khí bô hû-tó, it-tàn nā sit-pāi chiū hō͘ lâng khòaⁿ-khin, siūⁿ-lâi siūⁿ-khì lóng sī òan-chheh ka-kī ê kéng-gū.7 .浪子：衰運無單行，人無錢心內真鬱卒koh tú著這個活鬼來teh 攪擾。Ah，這世間攏是扶起無扶倒，一旦若失敗就hō͘ 人看輕，想來想去攏是怨慼家己ê 境遇。 | (福哥仔出場)(福哥仔出場) | 8.福哥: Aih, hiaⁿ-tī ah, chin tú-hó, góa kú-kú teh chhōe lí bô, lí kiat-kio̍k sī cháu bô lō͘ lah.8. 福哥：Aih，兄弟ah，真tú 好，我久久teh chhōe 你無，你結局是走無路lah。 | 9.浪子: Oh, A-hok-hiaⁿ, kiú-kiàn kiú-kiàn. Góa chòe-kīn tio̍h khì chhut-gōa sòa bōe-thang khì pài-hóng lí, chin sit-lé, m̄-chai lí ū sím-mi̍h kùi-sū?9. 浪子：Oh，阿福兄，久見久見。我最近著去出外續 bōe-thang 去拜訪你，真失禮，m̄ 知你有甚物貴事？ | 10.福哥: Lí sòa m̄-chai sím-mi̍h kùi-sū, lí sòa teh ké-khong ké-gōng, chêng-ji̍t hiah ê kiáu chîⁿ lí sī àn-sǹg m̄-hêng tio̍h bô? Siàu-liân lâng chò hit hō hô͘-tô͘ sū!10.福哥：你續 m̄ 知甚物 貴事，你續 teh 假khong 假憨，前日hiah ê kiáu 錢你是按算m̄ 還著無？少年人做hit 號糊塗事！ | |