Sèng-ke̍k tē 2 chi̍p_03
| 聖劇第二集_03 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| N̂g Hôai-un | 黃懷恩 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Bōe Kôan | 賣 權 2幕6場：| 2幕6場： | 1幕 1場 賣權 2場 父與子 3場 母與子 4場 祝福 5場 逃走 2 幕 1場 曠野 1 幕 1場 賣權 | 2場 父與子 3場 母與子 4場 祝福 5場 逃走 2 幕 1場 曠野 A.人物：1.雅各、2.以掃、3.以撒、4.利百加、5.天使a、6.天使b、7.天使c。A. 人物：1.雅各、2.以掃、3.以撒、4.利百加、5.天使a、6.天使b、7.天使c。 | B. 主題歌：1. Jno. R. Sweneg;“Nearer My God to Thee”B. 主題歌：1. Jno. R. Sweneg；“Nearer My God to Thee” | 2. 聖詩277 首。2. 聖詩277 首。 | 第一幕 第一場 賣權第一幕 第一場 賣權 | 場所 屋內場所 屋內 | Ngá-kok tī bú-tâi chiàⁿ-pêng chia̍h tāu-á-thng. Í-sò tùi tò-pêng chhut-tiûⁿ, chhiú ū the̍h phah-la̍h ê khì-khū.雅各tī舞台正爿食豆仔湯。以掃tùi倒爿出場，手有提扑腊ê器具。 | 1 雅各：Oh! Chin hó-chia̍h, chin hó-chia̍h. Chia̍h-tio̍h pî-thó͘ khui, ba̍k-chiu koh ē kim.1雅各：Oh！真好食，真好食。食著脾thó͘開，目珠koh 會金。 | 2 以掃：Ngá-kok, lí teh chia̍h sím-mi̍h?2以掃：雅各，你teh食甚物？ | 3 雅各：Án-chóaⁿ lah, góa teh chia̍h sím-mi̍h kap lí ū sím-mi̍h kan-sia̍p lah.3雅各：Án-chóaⁿ lah，我 teh食甚物 kap你有甚物干涉lah。 | 4 以掃：Bô-lah, góa kin-ná-ji̍t hohⁿ, pháu khòng-iá pháu chi̍t ji̍t siūⁿ kóng beh lia̍h khòaⁿ ū sím-mi̍h cheng-seⁿ thang lâi chú chheⁿ-chhau chhiáⁿ lí, koh soah chin pháiⁿ-ūn lia̍h lóng bô pòaⁿ-hāng.4以掃：無lah，我今仔日hohⁿ，跑曠野跑一日想講beh 掠看有甚物精牲thang 來煮chheⁿ-chhau請你，koh煞真歹運掠攏無半項。 | 5 雅各：Oh-ah, kin-á-ji̍t a-hiaⁿ lí sī hō͘ sím-mi̍h kā lí kám-tōng tio̍h thah chiah-ni̍h chhin-chhiat leh, chēng kàu-taⁿ góa nā lâu chhùi-khí-nōa teh khòaⁿ lí chia̍h ê sî-chūn lí liān chi̍t-tè kut-á to m̄-bat phah-ka-la̍uh. Taⁿ lí sī beh ài góa kā lí chòe sím-mi̍h?5雅各：Oh-ah，今仔日阿兄你是hō͘甚物 kā你感動著thah chiah-ni̍h 親切leh，chēng到今我若流嘴齒瀾teh看你食ê時陣你連一塊骨仔都m̄-bat扑ka落。今你是beh ài我kā你做甚物？ | 6 以掃：Bô lah, góa to ūi-tio̍h án-ni pháu kui-ji̍t, pháu kah nńg-siô-siô pak-tó͘ chin-chiàⁿ iau lah.6以掃：無lah，我都為著án-ni跑歸日，跑kah軟siô-siô腹肚真正枵lah。 | 7 雅各：Án-ni sī án-chóaⁿ? Lí sī kiò góa beh kā lí chhòng sím-mi̍h hòe. Lí pak-tó͘ iau kap góa ū sím-mi̍h koan-hē.7雅各：Án-n是án-chóaⁿ？你是叫我beh kā你創甚物貨。你腹肚枵kap我有甚物關係。 | 8 以掃：Hó-sim leh lah, Ngá-kok, a-hiaⁿ pak-tó͘ hui-siông ê iau lah. Chhin-chhiūⁿ teh beh sí-khì, pài-thok leh lah, hō͘ góa chia̍h chi̍t-ē hó bô?8以掃：好心leh lah，雅各，阿兄腹肚非常ê 枵lah。親像teh beh死去，拜託leh lah，hō͘ 我食一下好無？ | 9 雅各：Bô lah, góa bô teh chia̍h sím-mi̍h hòe lah. A-hiaⁿ lí chin kaⁿ-siû ê khóan. Ah! Chin hó-chia̍h, chin hó-chia̍h. Chit ê thng khì-bī hui-siông ê hó. Chia̍h tio̍h liān chi̍h ia̍h giōng beh lak khí-lâi.9雅各：無lah，我無teh食甚物貨lah。阿兄你真監囚ê款。Ah！真好食，真好食。這個湯氣味非常ê好。食著連舌亦強beh落起來。 | 10 以掃：Sím-mi̍h hòe lah? Hō͘ góa chia̍h chi̍t-chhùi khòaⁿ-māi-á hó m̄?10以掃：甚物貨lah？Hō͘我食一嘴看māi仔好m̄？ | 11 雅各：Bē-tàng lah, hō͘ lí chia̍h chi̍t-chhùi soah liáu tōa-chîⁿ.11雅各：Bē-tàng lah，hō͘你食一嘴煞了大錢。 | 12 以掃：Bô, khòaⁿ chi̍t-óaⁿ beh bē gōa-chē góa kā lí bé lah.12以掃：無，看一碗beh賣偌濟我kā你買lah。 | 13 雅各：Góa m̄ bē lah.13雅各：我m̄賣lah。 | 14 以掃：Liān gōa-chē lí ia̍h m̄ bē tio̍h m̄?14以掃：連偌濟你亦m̄賣著m̄？ | 15 雅各：Tong-jiân ê no̍h.15雅各：當然ê no̍h。 | 16 以掃：Góa iōng chi̍t-ki chhâi-lông ê kha kā lí bé lah hó m̄? Bîn-á-chài góa nā lia̍h-tio̍h khah kā lí la̍p.16以掃：我用一支豺狼ê腳kā你買lah好m̄？明仔再我若掠著khah kā你納。 | 17 雅各：Hńg! Tàng-sng-kâu, chiong soaⁿ-ni̍h lóng-chóng ê chhâi-lông kā góa bé góa mā bô-ài.17雅各：Hńg！凍霜猴，將山ni̍h 攏總ê豺狼kā我買我mā無ài。 | 18 以掃：Lí ū iáⁿ bô ài tio̍h m̄, hó án-ni góa beh kā lí phah, beh kā lí iōng chhiúⁿ ê. Góa sī lí ê hiaⁿ-ko lí m̄-chai tio̍h m̄? Sī Siōng-tè só͘ chiok-hok ê tōa-kiáⁿ, nā bô beh thiaⁿ góa ê chhùi góa sī ū kôan-lī thang kā lí phah sí oh.18以掃：你有影無ài著m̄，好án-ni我beh kā你扑，beh kā你用搶ê。我是你ê兄哥你m̄知著m̄？是上帝所祝福ê大子，若無beh聽我ê嘴我是有權利thang kā你扑死oh。 | 19 雅各：Hó lah, bān-chiah leh lah, Tú-tio̍h lí chit ê thó͘-lâng bô hoat-tō͘.19雅各：好lah，慢且leh lah，tú著你這個土人無法度。 | 20 以掃：Án-ni taⁿ iōng chhâi-lông kha chi̍t-ki beh bē góa hòⁿ.20以掃：Án-ni今用豺狼腳一支beh 賣我hòⁿ。 | 21 雅各：Bô no̍h, he sī bē tàng no̍h, ā-ū hiah-ni̍h sio̍k ê.21雅各：無no̍h，he是bē tàng no̍h，ā有hiah-ni̍h sio̍k ê。 | 22 以掃：Bô tio̍h iōng sím-mi̍h hòe tah beh bē góa neh, khah-kín leh lah, góa iau kah tōa-tn̂g teh kò sió-tn̂g lí m̄ chai hohⁿ.22以掃：無著用甚物貨tah beh賣我neh，較緊leh lah，我枵kah大腸teh告小腸你m̄知hohⁿ。 | 23 雅各：Án-ni lah hohⁿ, lí nā-sī kam-gōan chiong lí chím-má só͘ kóng hit ê tōa-hiaⁿ ê kôan lâi kā góa bé, góa chiah beh kam-gōan bē lí.23雅各：Án-ni lah hohⁿ，你若是甘願將你chím-má所講hit個大兄ê權來kā我買，我才beh甘願賣你。 | 24 以掃：Lí kóng sím-mi̍h hòe! Iōng tōa-hiaⁿ ê kôan kā lí bé hohⁿ. Hǹg! Che ū kàu-gia̍h kî-kòai ê bé-bē. Tī chit ê sî-tāi iā ū lâng teh iōng miâ-hūn chò seng-lí. Chóng-sī bô iàu-kín lah, pak-tó͘ nā kah iau kàu-té lah, iōng sìⁿ-miā mā tio̍h kā lí bé. Kiat-kio̍k iā sī bô sím-mi̍h sún-hāi lah. Taⁿ khah-kín phâng-lâi leh, beh iōng tōa-hiaⁿ ê kôan kā lí bé lah.24以掃：你講甚物貨！用大兄ê權kā你買hohⁿ。Hǹg！Che有夠額奇怪ê買賣。Tī這個時代也有人teh用名份做生理。總是無要緊lah，腹肚若kah枵到底lah，用性命mā著kā你買。結局也是無甚物損害lah。今較緊捧來leh，beh用大兄ê權kā你買lah。 | 25 雅各：Saⁿ bān-chiah leh góa nā bē lí, lí tùi kin-á-ji̍t khí tio̍h kiò góa a-hiaⁿ hohⁿ, iā bô kôan-lī thang phah góa lah hohⁿ. Lí í-āu chiū m̄-sī Siōng-tè só͘ chiok-hok ê tōa-kiáⁿ lah hohⁿ. Án-ni lí iā kam-gōan tio̍h m̄.25雅各：Saⁿ慢且leh，我若賣你，你tùi今仔日起著叫我阿兄hohⁿ，也無權利thang扑我lah hohⁿ。你以後就m̄是上帝所祝福ê大子lah hohⁿ。Án-ni你也甘願著m̄。 | 26 以掃：Hǹg! Bô thò-tòng, bô thò-tòng. Chóng-sī bô iàu-kín lah, kā lí bé lo̍h-khì ah. Iau kah pòaⁿ-sió-sí teh ham lí ko ko tîⁿ.26以掃：Hǹg！無妥當，無妥當。總是無要緊lah，kā你買落去ah。枵Kah半小死teh ham你膏膏纏。 | 27 雅各：Hòⁿ! Án-ni hohⁿ, bô lâi chhì kiò khòaⁿ māi koh, kiò góa a-hiaⁿ khòaⁿ-māi-á.27雅各：Hòⁿ！Án-ni hohⁿ，無來試叫看māi koh，叫我阿兄看māi仔。 | 28 以掃：Hǹg lí chit ê ū-iáⁿ cha̍p-hun ū káu-kòai. Pak-tó͘ iau kàu teh, hō͘ lí khah pheⁿ teh bô iàu-kín. Taⁿ beh kiò, lí tio̍h thiaⁿ hō͘ chim-chiok hohⁿ. “A-hiaⁿ.” Án-ni hó lah hohⁿ taⁿ khah-kín phâng-lâi.28以掃：Hǹg你這個有影十分有狡怪。腹肚枵到teh，hō͘你較pheⁿ teh無要緊。今beh叫，你著聽hō͘斟酌hohⁿ。 “阿兄。” Án-ni好lah hohⁿ 今較緊捧來。 | 29 雅各：Án-ni hó, chin sóng-khòai, chin sóng-khòai. Thiⁿ-tē khai-chó͘ m̄-bat ū ê sóng-khòai, taⁿ phâng-khì chia̍h, phâng-khì chia̍h, góa chit ê sió-tī-á ê bīn thái-ē seⁿ-choh chiah m̄ khah gōng koh khám leh.29雅各：Án-ni好，真爽快，真爽快。天地開祖m̄-bat有ê爽快，今捧去食，捧去食，我這個小弟仔ê面thái會生作chiah m̄ 較憨koh khám leh。 | 30 以掃：Sím-mi̍h hòe ah! Hó-hó lí tio̍h kā góa kì leh hohⁿ. Khah-thêng-á tah koh hō͘ lí kiò kiù lâng. Ū-iáⁿ chin hó-chia̍h to-tio̍h, gôan-lâi chiū-sī âng-tāu-á thng, lóng hō͘ lí phiàn-phiàn khì. Pak-tó͘ iau si̍t-chāi sī ū kàu kan-khó͘. Só͘-í chiah-tio̍h hō͘ lí chhiáⁿ kah pá koh chùi. Taⁿ lí tio̍h kā góa kì leh hohⁿ. (以掃退場)30以掃：甚物貨ah！好好你著kā我記leh hohⁿ。較停仔tah koh hō͘你叫救人。有影真好食都著，原來就是紅豆仔湯，攏hō͘你騙騙去。腹肚枵實在是有夠艱苦。所以才著hō͘你請kah飽koh醉，今你著kā我記leh hohⁿ。(以掃退場) | 31 雅各：Hńg! Chin sóng-khòai, chin sóng-khòai. Bô sió-khóa kā kà-sī leh lóng bē sài-tit. Tiāⁿ kóng i sī tōa-kiáⁿ iā iōng tōa-kiáⁿ ê kôan lâi beh khi-hū góa, bô sió-khóa kà-sī chi̍t-ē lóng bē sài-tit. Chóng-sī m̄-thang hō͘ i kòe-thâu siū-khì. Nā hō͘ i khí thó͘-phiah khí-lâi chiū hùi-khì. Taⁿ góa tio̍h lâi-khì pang-chān góa ê a-bó ê kang.31雅各：Hńg！真爽快，真爽快。無小可kā教示leh 攏bē使得。定講伊是大子也用大子ê權來beh欺負我，無小可教示一下攏bē使得。總是m̄-thang hō͘伊過頭受氣。若hō͘伊起土癖起來就費氣。今我著來去幫贊我ê阿母ê工。 | (退場)(退場) | 第二場 父與子第二場 父與子 | 場所同樣 以撒出場場所同樣 以撒出場 | 1 以撒：Lâng nā chia̍h lāu si̍t-chāi sī pháiⁿ kòe-ji̍t. Nn̄g, saⁿ pah nî chá-chèng góa siàu-liân ê sî-chūn, kap góa ê lāu-pē A-pek-lia̍p-hán phiau-liû chi̍t-kok kòe chi̍t-kok kàu kin-ná-ji̍t í-keng chiâⁿ-chò chi̍t-ê lāu-lâng. Lāu kah bē chhóan-khùi. Ba̍k-chiu iā bô khòaⁿ-kìⁿ. Chia̍h kah chiah-ni̍h-á chē hòe ia̍h sī kan-khó͘. Taⁿ chí-ū sī kan-taⁿ tán-hāu sí, Siōng-tè tiàu góa tńg-khì kìⁿ góa ê chó͘-sian nā-tiāⁿ. Sè-hàn ê sî-chūn góa ê lāu-pē A-pek-lia̍p-hán iōng chhâ hō͘ góa phāiⁿ tī kha-chiah-phiaⁿ chhōa góa kàu tī Mô͘-lī-a ê soaⁿ hit ê tāi-chì chhin-chhiūⁿ chā-hng ê sū iáu-kú tī ba̍k-chiu chêng hō͘ góa bô bē kì-tit. Si̍t-chāi ji̍t-chí teh kòe sī chin-kín. Tī hit-sî èng-kai tio̍h sí ê, siū Siōng-tè ê un-hūi ū o̍ah kàu kin-ná-ji̍t, chóng-sī kiat-kio̍k ia̍h sī tio̍h sí. Bô sí ia̍h bē soah tit. Chí-ū sī lōng-hùi lâng ê khùi-la̍t nā-tiāⁿ, si̍t-chāi jîn-seng sī khang-hi, sī lia̍h-iáⁿ, kai-chài tùi thiⁿ ū siúⁿ-sù, Í-sò͘ kap Ngá-kok thang chò hō͘-sû hō͘ góa tām-po̍h an-sim. Taⁿ chóng-sī góan ê sî-tāi sī í-keng kòe-khì lah. Góa hó thang kā Í-sò͘ chiok-hok, ia̍h thang lâi khì chhōe góa ê bōng, éng-óan thang hioh-khùn. Taⁿ Í-sò kin-ná-ji̍t sī án-chóaⁿ kah iáu-bōe tò-lâi, m̄-chai ū tú-tio̍h sím-mi̍h tāi-chì á-bô. Góa tio̍h lâi kā i kiò khòaⁿ-māi-á. “Í-sò-à, Í-sò-à.”1以撒：人若食老實在是歹過日。二、三百年早前我少年ê時陣，kap我ê老父阿伯拉罕漂流一國過一國到今仔日已經成做一個老人。老kah bē喘氣。目珠也無看見。食kah chiah-ni̍h仔濟歲亦是艱苦。今只有是kan-taⁿ等候死，上帝召我轉去見我ê祖先nā-tiāⁿ。細漢ê時陣我ê老父阿伯拉罕用柴hō͘我phāiⁿ tī ka-chiah-phiaⁿ chhōa我到tī摩利亞ê山hit個代誌親像chā-hng ê事iáu-kú tī目珠前hō͘我無bē記得。實在日子teh過是真緊。Tī hit時應該著死ê，受上帝ê恩惠有活到今仔日，總是結局亦是著死。無死亦bē煞tit。只有是浪費人ê氣力nā-tiāⁿ，實在人生是空虛，是掠影，佳哉tùi天有賞賜，以掃kap雅各thang做後嗣hō͘我淡薄安心。今總是阮ê時代是已經過去lah。我好thang kā以掃祝福，亦thang來去chhōe我ê墓，永遠thang歇睏。今以掃今仔日是án-chóaⁿ kah iáu未倒來，m̄知有tú著甚物代誌抑無。我著來kā伊叫看māi仔。「以掃à，以掃à。」 | (以掃出場)(以掃出場) | 2 以掃：A-pa sím-mi̍h tāi-chì lah, hiah-ni̍h-á tōa-siaⁿ sī án-chóaⁿ lah? Lí sin-thé kan-khó͘ á-bô? Á-sī lí ài chia̍h sím-mi̍h sī bô?2以掃：阿爸甚物代誌lah，hiah-ni̍h仔大聲是án-chóaⁿ lah？你身体艱苦抑無？抑是你ài食甚物是無？ | 3 以撒：Í-sò-à! Lí khòaⁿ a-pa chiah-ni̍h-á lāu, kin-ná-ji̍t beh sí, bîn-ná-ji̍t beh sí mā m̄ chai-iáⁿ, só͘-í góa siūⁿ kóng kin-á ji̍t ài tī Siōng-tè ê bīn-thâu-chêng kā lí chiok-hok, nā bô mā sī bē an-sim. Taⁿ lí khì gia̍h lí ê chhiuⁿ kap lí ê bú-khì, iā khì soaⁿ-iá, kā góa lia̍h chi̍t-chiah pûi-pûi ê lo̍k-káng lâi chú-chú leh phâng lâi hō͘ lí ê a-pa chia̍h. Hō͘ góa ê sim-sîn chia̍h hō͘ sóng-khòai thang chiok-hok lí ê chiân-tô͘. Taⁿ khah-kín khì thang khah-kín tò-lâi.3以撒：以掃à！你看阿爸chiah-ni̍h仔老，今仔日beh 死，明仔日beh死mā m̄知影，所以我想講今仔日ài tī上帝ê面頭前kā你祝福，若無mā是bē安心。今你去gia̍h你ê槍kap你ê武器，也去山野，kā我掠一隻肥肥ê鹿káng來煮煮leh捧來hō͘你ê阿爸食。Hō͘我ê心神食hō͘爽快thang祝福你ê前途。今較緊去thang較緊倒--來。 | 4 以掃：A-pa kiám ū-iáⁿ, ah chin hoaⁿ-hí, A-peh-lia̍p-hán ê Siōng-tè, Í-sat ê Siōng-tè taⁿ beh chiâⁿ-chò góa só͘ to̍k-chiàm ê Siōng-tè lah hòⁿ. Ah! Góa ê Siōng-tè, í-āu sè-kan lâng iā beh kiò Í-sò ê Siōng-tè lah hohⁿ.4以掃：阿爸kiám有影，ah真歡喜，阿伯拉罕ê上帝，以撒ê上帝今beh 成做我所獨佔ê上帝lah hòⁿ。Ah！我ê上帝，以後世間人也beh 叫以掃ê上帝lah hohⁿ。 | 5 以撒：M̄-thang kín-kip, tio̍h ài chū-chāi sî sī iáu-bē kàu lah. Kàu a-pa beh kā lí chiok-hok ê sî-chūn lí tio̍h ài kín-sīn. M̄-thang án-ni hòng-hòng, taⁿ khah kín khì.5以撒：M̄-thang緊急，著ài自在時是iáu未到lah。到阿爸beh kā你祝福ê時陣你著ài謹慎。M̄-thang án-ni放放，今較緊去。 | (利百加出場)(利百加出場) | 6 以掃：Ah! Chin hoaⁿ-hí, taⁿ góa chiâⁿ-chò chi̍t ê lâng lah. Beh chiâⁿ-chò chē-chē kok-bîn ê pē, beh chò chē-chē peh-sèⁿ ê Ông lah. Góa ê kiáⁿ-sun beh chhin-chhiūⁿ hái ê soa, ia̍h beh chhin-chhiūⁿ kiông-chhong ê chheⁿ bû-sò͘ put-chí. Taⁿ góa khah-kín lâi khì thang khah-kín tò-lâi siū chiok-hok.6以掃：Ah！真歡喜，今我成做一個人lah。Beh 成做濟濟國民ê父，beh 做濟濟百姓ê王lah。我ê子孫beh親像海ê沙，亦beh親像穹蒼ê星無數不止。今我較緊來去thang 較緊倒來受祝福。 | (以掃與以撒退場)(以掃與以撒退場) | 第三場 母與子第三場 母與子 | 1 利百加：Ngá-kok ah! Ngá-kok ah! Chit ê gín-ná m̄-chai tī tó-ūi teh chok-gia̍t. Si̍t-chāi sī chin-chiàⁿ bô hoat-tō͘. Ngá-kok ah! Ngá-kok ah!1利百加：雅各ah！雅各ah！這個囡仔m̄知tī tó位teh作孽。實在是真正無法度。雅各ah！雅各ah！ | 2 雅各：Sím-mi̍h leh a-bú, chhut kah hit hō chhâ-pê siaⁿ beh hō͘ lâng kiaⁿ sí sī bô. Sī sím-mi̍h tāi-chì tio̍h m̀? A-pa teh kan-khó͘ tio̍h m̀?2雅各：甚物leh 阿母，出kah hit 號柴耙聲beh hō͘人驚死是無。是甚物代誌著m̀？阿爸teh艱苦著m̀？ | 3 利百加：Lí chit ê gín-ná ū-iáⁿ chin bô lō͘-ēng. Tōa tāi-chì lah lí chai m̀. Lí iáu-kú gōng-gōng.3利百加：你這個囡仔有影真無路用。大代誌lah你知m̀。你iáu-kú憨憨。 | 4 雅各：Sím-mi̍h hòe, tōa tāi-chì hohⁿ. Tī lán chit ê gôan-sí sî-tāi tōa tāi-chì sī chin hán-tit, nā sī tòa tī hit ê 20 sè-kí ê sî-chūn ū sè-kài tāi-chiàn á-sī gôan-chú-tân beh tùi thâu-khak téng kā lí po̍ah lo̍h-lâi, che phah-sǹg sī tōa tāi-chì. Chóng-sī tī lán chit ê sî-tāi sī ē-tàng an-sim kòe-ji̍t chiah tio̍h. Sī tùi thiⁿ-ni̍h lo̍h hóe lo̍h-lâi tio̍h m̀ neh. Á-sī tē-bīn piak-khui ni̍h?4雅各：甚物貨，大代誌hohⁿ。Tī 咱這個原始時代大代誌是真罕得，若是tòa tī hit個20世紀ê時陣有世界大戰抑是原子彈beh tùi頭殼頂kā你跋落來，che扑算是大代誌。總是tī咱這個時代是會tàng安心過日才著。是tùi天ni̍h落火落來著m̀ neh。抑是地面piak開ni̍h？ | 5 利百加：Lí chit ê gín-á sī teh kóng sím-mi̍h hòe. Lí tiām-tiām thiaⁿ a-bó ê ōe, tú-chiah góa ū thiaⁿ-kìⁿ lí ê a-pa kiò Í-sò tio̍h chú hó-chia̍h ê liāu-lí phâng-lâi hō͘ i chia̍h. I beh thang kā chiok-hok. Tī Siōng-tè ê bīn-thâu-chêng ê chiok-hok sī chi̍t ê thang-kiaⁿ ê tōa tāi-chì, lí chai-iáⁿ bô. Só͘-í lí ê a-pa tī i bōe sí ê í-chêng ài beh kín-kín kā Í-sò chiok-hok.5利百加：你這個囡仔是teh講甚物貨。你恬恬聽阿母ê話，tú-chiah我有聽見你ê阿爸叫以掃著煮好食ê料理捧來hō͘伊食。伊beh thang kā 祝福。Tī上帝ê面頭前ê祝福是一個thang驚ê大代誌，你知影無。所以你ê阿爸tī伊未死ê以前ài beh緊緊kā以掃祝福。 | 6 雅各：Án-ni sī án-chóaⁿ neh, a-bó lí sī chin-chiàⁿ kip-sèng lí kóng tōa tāi-chì hō͘ góa lia̍h chún sī tùi thiⁿ lo̍h hóe á-sī thian-kun lo̍h-lâi leh. Gôan-lâi chiū-sī ūi-tio̍h chit ê tāi-chì hohⁿ. Hāi góa kiaⁿ chi̍t-tiô.6雅各：Án-ni是án-chóaⁿ neh，阿母你是真正急性你講大代誌hō͘我掠準是tùi天落火抑是天君落來leh。原來就是為著這個代誌hohⁿ。害我驚一tiô。 | 7 利百加：Lí chiū-sī chit-khóan ê, só͘-í bān-sì to bē chhut-thoat. Taⁿ tiām-tiām thiaⁿ góa kā lí kóng, a-bó sī khah thiàⁿ lí, só͘-í chiah beh ūi-tio̍h lí án-ni lâi khòa-lū. Nā sī Í-sò hit khóan ê iá-sèng góa chiū kiaⁿ, só͘-í góa chhian-bān ài lí tī Siōng-tè ê bīn-chêng tit-tio̍h chiok-hok.7利百加：你就是這款ê，所以萬世都bē出脫。今恬恬聽我kā 你講，阿母是較疼你，所以才beh 為著你án-ni來掛慮。若是以掃hit款ê野性我就驚，所以我千萬ài你tī上帝ê面前得著祝福。 | 8 雅各：Tī Siōng-tè ê bīn-chêng, tit-tio̍h chiok-hok sī ū sím-mi̍h lī-ek leh, kiám ōe éng-kiú bē sí tio̍h m̀.8雅各：Tī上帝ê面前，得著祝福是有甚物利益leh，敢會永久bē死著m̀。 | 9 利百加：Lí chit ê gín-ná chin-chiàⁿ ló͘. Tī Siōng-tè ê bīn-chêng tit-tio̍h chiok-hok sī chhin-chhiūⁿ tit-tio̍h Siōng-tè chi̍t-iūⁿ. A-pek-lia̍p-hán a-kong ê Siōng-tè, Í-sat a-pa ê Siōng-tè, chím-má chiū chiâⁿ-chò lí ê Siōng-tè lah, Siōng-tè nā ū kap lí tī-teh, lí ê seng-gâi ōe-thang tit-tio̍h I ê chiok-hok kap pò-siúⁿ.9利百加：你這個囡仔真正ló͘。Tī上帝ê面前得著祝福是親像得著上帝一樣。阿伯拉罕阿公ê上帝，以撒阿爸ê上帝，chím-má就成做你ê上帝lah，上帝若有kap你tī-teh，你ê生涯會thang得著伊ê祝福kap報賞。 | 10 雅各：Ū-iáⁿ to tio̍h, án-ni bē bái.10雅各：有影都著，án-ni bē bái。 | 11 利百加：Siōng-tè kàu tó-ūi to beh kap lí tī-teh. Beh pó-hō͘ lí thoat-lī gûi-hiám kap chai-ē. Beh hō͘ lí chiâⁿ-chò sè-kài ê ông. Hō͘ lí chiâⁿ-chò jîn-lūi ê pē.11利百加：上帝到tó位都beh kap你tī--teh。Beh保護你脫離危險kap災厄。Beh hō͘你成做世界ê王。Hō͘你成做人類ê父。 | 12 雅各：Án-ni góa bêng-pe̍k lah, A-bó taⁿ lán tio̍h án-chóaⁿ chò khah-hó?12雅各：Án-ni我明白lah，阿母今咱著án-chóaⁿ做較好？ | 13 利百加：Lí tio̍h thiaⁿ góa ê chhùi kín-kín khì ti-tiâu kā góa lia̍h nn̄g-chiah pûi ê ti-á lâi hō͘ góa. A-bó beh thang liāu-lí kàu chin hó-chia̍h, hō͘ lí thang phâng-khì hō͘ lí ê a-pa chia̍h thang tùi Í-sò lâi chhiúⁿ-to̍at i ê chiok-hok.13利百加：你著聽我ê嘴緊緊去豬tiâu kā我掠兩隻肥ê豬仔來hō͘我。阿母beh thang料理到真好食，hō͘你thang捧去hō͘你ê阿爸食thang tùi以掃來搶奪伊ê祝福。 | 14 雅各：Chóng-sī A-bó sui-bóng a-pa ba̍k-chiu bô khòaⁿ-kìⁿ, chóng-sī i ē ēng bong ê, Í-sò sī chin-chē mn̂g, góa lóng bô mn̂g, só͘-í nā hō͘ a-pa khòaⁿ-phòa ê sî-chūn, góa chiū m̄-sī beh siū chiok-hok, soah hō͘ chiù-chó͘ chi̍t-ê éng-óan bē chhiau-thian, soe kah lak thâu-mn̂g toh hùi-khì. Khòaⁿ nā hō͘ a-pa chiù-chó͘ tio̍h góa chiū hùi-khì.14雅各：總是阿母雖罔阿爸目珠無看見，總是伊會用摸ê，以掃是真濟毛，我攏無毛，所以若hō͘阿爸看破ê時陣，我就m̄是beh受祝福，煞hō͘咒詛一個永遠bē超天，衰kah落頭毛toh費氣。看若hō͘阿爸咒詛著我就費氣。 | 15 利百加：M̄-bián kiaⁿ lah, lí nā siū chiù-chó͘ a-bó tah kā lí tam-tng, put-jī-kò͘ lí tiām-tiām thiaⁿ góa só͘ kā lí kóng ê khì chò.15利百加：M̄免驚lah，你若受咒詛阿母tah kā你擔當，不jī過你恬恬聽我所kā你講ê去做。 | 16 雅各：Lí nā-sī kóng án-ni góa lâi khì.16雅各：你若是講án-ni我來去。 | 17 利百加：Khah-kín lâi leh hohⁿ, phah-sǹg Í-sò ia̍h liam-piⁿ teh beh tò-lâi lah.17利百加：較緊來leh hohⁿ，扑算以掃亦liam-piⁿ teh beh倒來lah。 | 18 雅各：Chin bô thò-tòng, Í-sò nā chai-iáⁿ chit ê tāi-chì m̄-chai beh kàu gōa-ni̍h siū-khì, nn̄g-pêng chhùi-phóe tio̍h hō͘ i siàn kah chéng-chéng khí-lâi, hit ê mn̂g sian-seⁿ góa sī chin-chiàⁿ kiaⁿ. Taⁿ góa lâi khì. A-bó lí kín-kín pī-pān hō͘ hó-sè.18雅各：真無妥當，以掃若知影這個代誌m̄知beh到偌ni̍h受氣，兩爿嘴phóe著hō͘伊搧kah 腫腫起來，hit個毛先生我是真正驚。今我來去。阿母你緊緊備辦hō͘好勢。 | 19 利百加：Hó lah, khah-kín leh, khah-kín leh. (雅各退場,利百加準備起火,雅各出場)19利百加：好lah，較緊leh，較緊leh。(雅各退場，利百加準備起火，雅各出場) | 20 雅各：A-bó ah, chit nn̄g-chiah ū iu-siù bô, che sī Tiong-kok te̍k-sán ê hó-chéng.20雅各：阿母ah，這兩隻有優秀無，che是中國特產ê好種。 | 21 利百加：Khah-kín kā góa lia̍h ji̍p-khì chàu-kha m̄-thang cháu, thang kap góa tàu kha-chhiú.21利百加：較緊kā我掠入去灶腳m̄-thang走，thang kap我鬥腳手。 |
| |