Bêng-kiong hó-tē
| 明宮好地 | ||||||||||||||||||||||||||||
| Phian-chip-sek | 編輯室 | ||||||||||||||||||||||||||||
| Bêng-kiong Hó-tē | 明宮好地 1.Góa sim su-siúⁿ tī thīⁿ-téng hó-tē, Thiⁿ-sài chū-chi̍p tiàm-hia; Pêng-iú chē-chē seng-kàu khòaⁿ-o̍ah, Bô-lô bô-khó͘ bô-kiaⁿ. 1.我心思想tī 天頂好地， | 天使聚集tiàm hia; 朋友濟濟先到快活， 無勞無苦無驚。 （Móe-chat tio̍h sòa gîm ē-bīn sì-chōa.）（每節著續吟下面4 chōa ） | Lóng bô koh saⁿ-lī, Lóng bô koh saⁿ-lī, Lóng bô koh saⁿ-lī, Tī-hia éng bē saⁿ-lī. 攏無koh相離， | 攏無koh相離， 攏無koh相離， Tī hia 永bē 相離。 2.Góa sim su-siúⁿ tī thīⁿ-téng hó-tē, Ki-tok chò-ông chē-ūi ; Iâⁿ-pháiⁿ ê lâng chê-siaⁿ o-ló, Bô-liáu-sî chò-chit-tui. 2.我心思想tī 天頂好地， | 基督做王坐位； 贏歹ê人齊聲o-ló, 無了時做1堆。 （Koh gîm hit sì-chōa.）（Koh吟hit 4 chōa ） | 3.Góa sim su-siúⁿ tī thīⁿ-téng hó-tē, Sèng-tô͘ éng chò lîn-iū; Pe̍h-saⁿ bián-liû lóng bē pāi-hōai, Khòai-lo̍k saⁿ-tâng hióng-siū. 3.我心思想tī 天頂好地， | 聖徒永做鄰右； 白衫冕旒攏bē敗壞， 快樂相tâng享受。 （Koh gîm hit sì-chōa.）（Koh吟hit 4 chōa ） | 4.Góa sim su-siúⁿ tī thīⁿ-téng hó-tē, Chhin-chhek liâu-bāng tì-sim; Tôaⁿ-khîm gîm-si lán lóng ū-hūn, Só͘ kiâⁿ ê lō͘ pho͘-kim. 4.我心思想tī 天頂好地， | 親戚瞭望致心； 彈琴吟詩咱攏有份， 所行ê路鋪金。 （Koh gîm hit sì-chōa.）（Koh吟hit 4 chōa ） | 5.Góa sim su-siúⁿ tī thīⁿ-téng hó-tē, Kiù-chú èng-ún sù lán; Liû-sim chù-sîn tōa-lîm ì-ài Kú-tn̂g tiàm-hia pêng-an. 5.我心思想tī 天頂好地， | 救主應允賜咱； 留心注神大臨意愛， 久長tiàm hia 平安。 （Koh gîm hit sì-chōa.）（Koh吟hit 4 chōa ） | Chit-chhiú si gôan-pún sī Hoe-kî-kok ê lâng só͘-chò ; lâng ēng Tiong-kok-jī hoan-e̍k lâi kì tī Go̍at-pò tē IX nî tē 10 pún . Taⁿ góan ia̍h chiong pe̍h-ōe-jī hoan-e̍k lâi ìn tī chit-ni̍h .(這手詩原本是花旗國ê人所做；人用中國字翻譯來記tī 月報第IX年10本。今阮亦將白話字翻譯來印tī 這--ni̍h。) | (Tâi-ôan Hú-siâⁿ Kàu-hōe-pò tē 15 tiuⁿ, 1886 nî 10 ge̍h)(台灣府城教會報第15張，1886年10月) |
| |