Sin Chong-kàu Kio̍k-pún_01
| 新宗教劇本_01 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Bô Chù-bêng | 無注明 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Sin Chong-kàu Kio̍k-pún 1953 Ka-tiong Chheng-liân pō͘ Hoat-hêng | 新宗教劇本 1953 嘉中青年部發行 ** ** ** ** ** ** ** ** **** ** ** ** ** ** ** ** ** | Sio̍k Ka-gī Tiong-hōe kok kàu-hōe kong-kàm: Chheng-liân pō͘ ū chún-pī chit pún khèng-chiok sèng-tàn ê ke̍k-chi̍p, Sui-jiân sè-sè pún, ǹg-bāng ē thang chò tāi-ke ê chham-khó.屬嘉義中會各教會公鑒：青年部有準備這本慶祝聖誕ê劇集，雖然細細本，向望會thang做大家ê參考。 | Thâu chit ê, “Bōng-hiong kui” sī Tâi-tiong Liú-gôan Kàu-hōe Tân Kam-kó tiúⁿ-ló gôan-chok ū lâng koh thiam-chiok ê. Tē 2 tè “Chin-si̍t ê thiàⁿ” sī Thok-ní-su-thài gôan-chok, Sai-mn̂g T. K. C. im-ga̍k pō͘-tiúⁿ Si Bêng-tek hiaⁿ kha-sek ê. koh lo̍h-khì ê 3 tè sī Po͘-lí Lô Bûn-hok Bo̍k-su kià lâi ê, chhim-chhim kā tāi-ke seh to-siā.頭這個，〈望香歸〉是台中柳源教會陳甘果長老原作有人koh添足ê。第2 tè 〈真實ê疼〉是托爾斯泰原作，西門T.K.C.音樂部長施明德兄kha-sek ê。Koh落去ê 3 tè是埔里羅文福牧師寄來ê，深深kā大家說多謝。 | Chit pún ê ìn-chheh ū tit-tio̍h Sai-mn̂g T.K.C. Si Bêng-tek, Chan Teng-iông, Tēⁿ Bo-hin 3 ūi hiaⁿ-tī ê tio̍h-bôa, chhim-chhim seh-siā.這本ê印冊有得著西門T.K.C.施明德、曾登陽、鄭睦興3位兄弟ê著磨，深深說謝。 | 1953; 12; 1 Ka-tiong chheng-liân-pō͘1953、12、1 嘉中青年部 | Tân Kong-hui, Chiam Thiam-bo̍k, Tân Kim-chhoan, Lí Tek-hoat, Kang Kiat-sêng, Khó͘ Chúi-lō͘, Tēⁿ Chiong-gī, Lâu Tek-hui.陳光輝、詹添木、陳金川、李德發、江吉成、許水露、鄭章義、劉德輝。 | Gōan tāi-ke ngiâ-chih chin ū ì-gī ê Sèng-tàn cheh kap hēng-hok ê sin-nî.願大家迎接真有意義ê聖誕節kap幸福ê新年。 | Bōng-hiong Kui望香歸 | Khài-lio̍k: In-ūi hóe-chhia ê sū-kò͘, hō͘ A-hiong in bó-kiáⁿ hun-lî, Siōng-tè ê thiàⁿ khòaⁿ-kò͘ tī hōan-lān tiong ê peh-sèⁿ, ín-chhōa in bó-kiáⁿ pêng-an saⁿ-kìⁿ.概略：因為火車ê事故，hō͘阿香in母子分離，上帝ê疼看顧tī患難中ê百姓，引chhōa in母子平安相見。 | Jîn-bu̍t; A-hiong, ......... H A-hiong ê a-bó, ......... M N̂g i-su, .................. I Lú thôan-tō Lâu sian-seⁿ, ......... L Tâi-pak ê Tēⁿ Bo̍k-su, ......... T Io̍k-iù-īⁿ ê N̂g sian-seⁿ, ......... N Bē tōa-be̍h-môai ê lāu peh-à, ......... P Jîn-ài-ché, ......... J Kàu-hōe ê chheng-liân 3 ê .........(C1, C2, C3) Hō͘-sū A Ài-hūi.........A B Bí-iông ......... B Io̍k-iù-īⁿ ê lāu-su ......... S Chhut-gōa lâng ......... G 人物；阿香，.......H | 阿香ê阿母，.......M 黃醫師，................I 女傳道劉先生，.......L 台北ê鄭牧師，.......T 育幼院ê黃先生，.......N 賣大麥糜ê老伯à，.......P 仁愛姐，.......J 教會ê青年3個.......（C1、C2、C3） 護士A愛慧.......A B美蓉.......B 育幼院ê老師.......S 出外人.......G Tē 1 bō͘第1幕 | (N̂g lāi-kho ê pēⁿ-sek)（黃內科ê病室） | Khui-bō͘: A-hiong ê lāu-bú, tio̍h-siong giâm-tiōng, jîn-sū put-séng, tó tī pēⁿ-chhn̂g, I-su hō͘-sū tī chhn̂g-piⁿ.開幕：阿香ê老母，著傷嚴重，人事不醒，倒tī病床，醫師護士tī床邊。 | I: Chit-ê chí-mōai siū-siong chiah tāng, ......... Lâu hoeh hiah-chē ......... kàu taⁿ iáu bōe cheng-sîn ......... Si̍t-chāi ū gûi-hiám, put-kò nā ū lâng beh hoeh hō͘ i kiám-chhái iáu ū ǹg-bāng.I：這個姊妹受傷chiah重，.......流血hiah濟.......到今iáu未精神.......實在有危險，不過若有人beh血hō͘伊kiám-chhái iáu有向望。 | A: Sian-siⁿ góan koh lâi khì pài-thok Bo̍k-su, ǹg-bāng ē koh tit-tio̍h Bo̍k-su ê pang-bâng hó-bô?A：先生阮koh來去拜託牧師，向望會koh得著牧師ê幫忙好無？ | I: Hó ... Nā m̄-sī ū Siōng-tè ê thiàⁿ si̍t-chāi sī cho̍at-bāng, chóng-sī lán to ū, ......... chhiáⁿ lí khì pài-hāu Bo̍k-su.I：好…若m̄是有上帝ê疼實在是絕望，總是咱都有，.......請你去拜候牧師。 | A: Án-ni góa chit-má beh lâi khì.A：Án-ni我chit-má beh來去。 | I: Bí-iông lí koh khì chún-pī kiông-sim-che lâi kā i chù.I：美蓉你koh去準備強心劑來kā伊注。 | B: Hó. (I-su tùi hōan-chiá koh bong me̍h sòa thè i kî-tó)B：好。（醫師對患者koh摸脈續替伊祈禱） | B: Sian-siⁿ pài-thok lí kā chù hòⁿ!B：先生拜託你kā注好！ | I: Hó.I：好。 | L: N̂g sian-siⁿ pêng-an!L：黃先生平安！ | I. B: Pêng-an!I、B：平安！ | B: Lâu sian-siⁿ chhiáⁿ chia chē.B：劉先生請chia坐。 | L: Hó, tú-á thiaⁿ tio̍h Ài-hūi sió-chiá teh kóng, ū chi̍t-ê chí-mōai, put-chí siong-tiōng, si̍t-chāi chin khó-lîn, Bo̍k-su to sûi-sî kiò lâng khì liân-lo̍k kúi-ūi chheng-liân ǹg-bāng ē hó-sè.L：好，tú仔聽著愛慧小姐teh講，有一個姊妹，不止傷重，實在真可憐，牧師都隨時叫人去聯絡幾位青年向望會好勢。 | I: Hō͘ lí chin hó kang, kàu-hōe hiah bô êng, lí iā liâm-piⁿ tō lâi kàu ūi, to-siā.I：Hō͘你真好工，教會hiah無閒，你也liâm-piⁿ tō來到位，多謝。 | L: Khí-kám, khí-kám, chit-ê chí-mōai sûi-sî siong-tiōng, ū lí chit-khóan ê ki-su̍t, kap i-tek, koh ū Siōng-tè ê pang-chān, góa sìn liâm-piⁿ ē hó. Taⁿ i to iáu-bōe cheng-sîn, iā bē thang kap i tâm-lūn, án-ni góa tō lēng-hêng chiah koh lâi.L：豈敢，豈敢，這個姊妹隨時傷重，有你這款ê技術，kap醫德，koh有上帝ê幫贊，我信liâm-piⁿ會好。今伊都iáu未精神，也bē thang kap伊談論，án-ni我tō另行chiah koh來。 | I: Hùi-sîn, hùi-sîn.I：費神、費神！ | L: Lán lâi thè i kî-tó ......... Pêng-an!L：咱來替伊祈禱.......平安！ | A: Sian-siⁿ góa tńg lâi lah. Gī-ióng hiaⁿ in chit 3 ūi thiaⁿ-tio̍h Bo̍k-su kóng, sûi-sî chì-gōan sòa kap góa lâi.A：先生我轉來lah。義勇兄in這3位聽著牧師講，隨時志願續kap我來。 | C: (1, 2, 3) N̂g sian-siⁿ pêng-an.C：（1，2，3）黃先生平安。 | I: Pêng-an, to-siā lín ê hi-seng.I：平安，多謝lín ê犧牲。 | A: (1, 2, 3) Khí-kám, khí-kám.A：（1，2，3）豈敢、豈敢。 | I: Tī chit-ê o͘-àm ê sè-tāi, iáu ū chhin-chhiūⁿ lín chit-khóan ê chheng-liân, put-chí siū an-ùi.I：Tī這個烏暗ê世代，iáu有親像lín這款ê青年，不止受安慰。 | C: Khí-kám, tāi-seng ū Chú ê thiàⁿ ......... góan sī chīn só͘ ē nā-tiāⁿ.C：豈敢，代先有主ê疼.......阮是盡所會nā-tiāⁿ。 | I: Ài-hūi, lí chhōa in khì giām hoeh khòaⁿ sī sio̍k sím-mi̍h hêng--ê.I：愛慧，你chhōa in去驗血看是屬甚物型--ê。 | A: Hó. (Sio-chhōa thè tiûⁿ, I-su iā thè-tiûⁿ koh chiūⁿ-tâi, the̍h chi̍t-tiuⁿ chóa ná teh khòaⁿ, Ài-hūi iah chiūⁿ-tâi)A：好。（相chhōa退場，醫師也退場koh上台，提一張紙那teh看，愛慧亦上台） | I: Gī-ióng kun sī A. Khek-kí kun sī O. Chèng-gī kun sī O. Án-ni kài tú-hó chit-ê chí-mōai i sī A, án-ni 3 ê lâng ū ha̍h. Ài-hūi chit-má seng thiu Gī-ióng kun ê 200 óa, lâi kā chù, āu-lâi nā ū pit-iàu chiah koh lâi pài-thok in 2 ūi, taⁿ lí khì chún-pī.I：義勇君是A、克己君是O、正義君是O。Án-ni kài tú好這個姊妹伊是A，án-ni 3個人有合。愛慧chit-má先抽義勇君ê 200 óa，來kā注，後來若有必要chiah koh來拜託in 2位，今你去準備。 | A: Hó.A：好。 | Tē 2 bō͘第2幕 | (Tōa-be̍h môai tiàm)（大麥糜店） | P: Lâi ò, sio ê tōa-be̍h môai, 3 kak tō hó, lâi lâi, chia̍h sio khah bē tiō, tiⁿ koh tīⁿ tōa óaⁿ koh bóan-kîⁿ.P：來ò，燒ê大麥糜，3角tō好，來來，食燒較bē tiō，甜koh tīⁿ大碗koh滿墘。 | J: Tōa-be̍h peh-à kā lí bé 1 óaⁿ.J：大麥伯仔kā你買1碗。 | P: Hò͘ lâi. (J: phâng leh beh hā-tâi) Hèⁿ beh phâng khì tó-ūi?P：Hò͘來。（J：捧leh beh下台）Hèⁿ beh捧去tó位？ | J: Beh phâng lâi khì hia hō͘ chi̍t-ê gín-á chia̍h lah. (chhōa gín-á chhut lâi ko͘-chiâⁿ i chia̍h) Taⁿ beh siáⁿ pō͘, tú-á iū ti̍t-ti̍t khàu, chit-má iū m̄ chia̍h, Tōa-be̍h peh-à, lí mā lâi tàu ko͘-chiâⁿ leh. Góa khòaⁿ chi̍t-ê gín-á khàu kah bô siaⁿ lah, tek-khak pak-tó͘ iau, in ê lâng m̄ chai tī tó-ūi, kā mn̄g iā bē hiáu ìn.J：Beh捧來去hia hō͘一個囡仔食lah。（Chhōa囡仔出來姑成伊食）今beh啥步，tú仔又直直哭，chit-má又m̄食，大麥伯à，你mā來鬥姑成leh。我看一個囡仔哭kah無聲lah，的確腹肚枵，in ê人m̄知tī tó位，kā問也bē曉應。 | P: È, Gín-á ché, lâng góa che tōa-be̍h môai kài hó chia̍h neh. (iōng thng-sî kā i chhī) (Jîn-ài ché khì bé thit-thô mi̍h hō͘ i)P：È，囡仔姐，人我che大麥糜kài好食neh。（用湯匙kā伊飼）（仁愛姐去買thit-thô物hō͘伊） | J: Chit-ê thit-thô mi̍h sòa hō͘ lí, chia̍h chia̍h leh, góa chiah chhōa lí lâi khì chhōe lín ma-ma hōⁿ!J：這個thit-thô物續hō͘你，食食leh，我chiah chhōa你來去chhōe lín媽媽hō͘ⁿ！ | P: Gín-á ché lín chhù tī tó-ūi?P：囡仔姐lín厝tī tó位？ | J: Lí tī hia khàu gōa kú lah?J：你tī hia哭外久lah？ | P: Ah! Lí thái ē kā mn̄g án-ni? Lín pa-pa hō chò sím-mi̍h miâ? Lí ū ma-ma bô?P：Ah！你thái會kā問án-ni？Lín爸爸號做甚物名？你有媽媽無？ | H: Ū.H：有。 | J: Lín ma-ma tī tó-ūi?J：Lín媽媽tī tó位？ | P: A, lâng to teh beh ìn lah, hō͘ lí mn̄g chi̍t-ê sòa koh tiām khì.P：Ah，人都teh beh應lah，hō͘你問一個煞koh恬去。 | J: Kā chhōa lâi khì phài-chhut-só͘ pò noh, iā bô beh án-chóaⁿ?J：Kā chhōa來去派出所報noh，iā無beh án-chóaⁿ？ | P: Góan chit-keng tiàm-á kiáⁿ, bô, góa tō kā khioh khí lâi chhī.P：阮這間店仔子，無，我tō kā拾起來飼。 | G: Chit-ê gín-á sī án-chóaⁿ?G：這個囡仔是án-chóaⁿ？ | J: Tī hóe-chhia lō͘ piⁿ teh khàu lah, khah kā mn̄g to m̄ ìn, góa chhōa i lâi chia̍h tōa-be̍h môai lah.J：Tī火車路邊teh哭lah，khah kā問都m̄應，我chhōa伊來食大麥糜lah。 | P: To m̄-chai i ê pē bó á-sī chhù.P：都m̄知伊ê父母抑是厝。 | J: Phah-sǹg hóe-chhia sio-chông chū án-ni kap in ê lâng hun-lî ê khóan.J：扑算火車相chông自án-ni kap in ê人分離ê款。 | G: Lín ū beh kā khioh khì chhī bô?G：Lín有beh kā拾去飼無？ | P: Góa chit keng tiàm-á iū chiah ā keng-á, iā chit ê Jîn-ài ché à iū iáu bōe chò kheh, siūⁿ tio̍h tō chiâⁿ hùi-khì.P：我這經店仔又chiah ā間仔，也這個仁愛姐à又iáu未做kheh，想著tō誠費氣。 | G: Góa tòa tī Tâi-pak, góan keh-piah ū chi̍t keng io̍k-iù-īⁿ. Só͘-í góa kā chhōa lâi khì hia, chit-tiuⁿ si góa ê bêng-phìⁿ, nā ū lâng chhōe, kiò i lâi góa chia chhōe.G：我tòa tī台北，阮隔壁有一間育幼院。所以我kā chhōa來去hia，這張是我ê名片，若有人chhōe，叫伊來我chia chhōe。 | P: Hioh-noh! Pài-thok pài-thok.P：Hioh-noh！拜託拜託。 | G: Tōa-be̍h môai ê chîⁿ gōa-chōe? Góa soah hō͘ lí.G：大麥糜ê錢外濟？我續hō͘你。 | P: M̄ bián noh.P：M̄免noh。 | J: Góa chiah hō͘ i tō hó!J：我chiah hō͘伊tō好！ | G: Hó! Bô góa kā chhōa lâi khì, nā ū lâng chhōe, chiah pò i lâi hōⁿ!G：好！無我kā chhōa來去，若有人chhōe，chiah報伊來hōⁿ！ | P: Hioh noh, hioh noh.P：Hioh noh，hioh noh。 | Tē 3 bō͘第3幕 | (N̂g lāi-kho ê pēⁿ-sek)（黃內科ê病室） | Khai-bō͘; Thôan-tō-su chēng-chēng teh khòaⁿ A-hiong ê ma-ma. I-su teh bong-me̍h.開幕：傳道師靜靜teh看阿香ê媽媽。醫師teh摸脈。 | I: Put-chí khah hó, phah-sǹg liâm-piⁿ ē cheng-sîn lah.I：不止較好，打算liâm-piⁿ會精神lah。 | L: Chin kai-chài Siōng-tè ū thiaⁿ lán ê kî-tó iā sī lán ū chīn lán só͘ ē.L：真佳哉上帝有聽咱ê祈禱也是咱有盡咱所會。 | M: Ai-ioh, chia sī tó-ūi? Góa ná ē lâi chia?M：Ai-ioh，chia是tó位？我哪會來chia？ | L: Pêng-an, lí ē tit tio̍h hó chin kám-siā Siōng-tè.L：平安，你會得著好真感謝上帝。 | M: Góa ê kiáⁿ neh? A-hiong a, A-hiong a.M：我ê子neh？阿香仔，阿香仔。 | I: Chhiáⁿ lí m̄ thang khí lâi.I：請你m̄ thang起來。 | L: Lí sī hóe-chhia sio-chông ê sî tio̍h tāng-siong, lâng kā lí kng lâi N̂g sian-siⁿ chia, taⁿ kai-chài cheng-sîn lah, lí bān chhiáⁿ khí lâi, lí nā iáu ū sím-mi̍h tāi-chì chhiáⁿ lí kóng hō͘ góan thiaⁿ, góan chiah thè lí siat-hoat.L：你是火車相chông ê時著重傷，人kā你扛來黃先生chia，今佳哉精神lah，你慢且起來，你若iáu有甚物代誌請你講hō͘阮聽，阮chiah替你設法。 | I: Lí gûi-hiám ê tiong-kan, góa put-chí khòa-lū. Taⁿ í-keng cheng-sîn lah, lí liâm-piⁿ ē-hó, nā ū sím-mi̍h tāi-chì āu lâi chiah lâi kóng, lí m̄-bián tio̍h-kip.I：你危險ê中間，我不止掛慮。今已經精神lah，你liâm-piⁿ會好，若有甚物代誌後來chiah來講，你m̄免著急。 | M: Góa ê cha-bó͘-kiáⁿ lah, góa ê cha-bó͘-kiáⁿ leh? Lín kóng hóe-chhia sio-chông sī bô? Góa ê cha-bó͘-kiáⁿ phah-sǹg hō͘ hóe-chhia kauh sí lah.M：我ê查某子lah，我ê查某子leh？Lín講火車相chông是無？我ê查某子扑算hō͘火車kauh死lah。 | L: Lâng kng lí lâi ê sî, to bô kóng khí gín-ná ê tāi-chì.L：人扛你來ê時，都無講起囡仔ê代誌。 | |