Chiok Gō͘-ko Toh Bān-Le̍k La̍k-cha̍p-hòe Seⁿ-ji̍t Kám-un Si
| 祝五哥卓萬力60歲生日感恩詩 | ||||||||||||||||||
| Toh Tōan | 卓緞 | ||||||||||||||||||
| Chiok-hok gō͘-ko la̍k-cha̍p-hòe Tāi-ke hoaⁿ-hí lâi chū-hōe Siōng-tè siúⁿ-sù tōa un-sù Hō͘ lí ê kiáⁿ chòe bo̍k-su | 祝福五哥六十歲 大家歡喜來聚會 上帝賞賜大恩賜 Hō͘你ê子做牧師 Gō͘-ko sìn-gióng chin kian-tēng Kóng-ōe sì-chiàⁿ chòe kng-teng Iā ū un-jiû ê sèng-chêng Ho̍k-sāi Siōng-tè iā khiân-sêng 五哥信仰真堅定 | 說話四正做光燈 也有溫柔ê性情 服侍上帝也虔誠 La̍k-ê a-hiaⁿ chin ióng-kiāⁿ Che sī Siōng-tè tōa un-tián Siōng-tè chiok-hok lán hiaⁿ-bē Ta̍k-nî kin-ji̍t saⁿ-kap chē 六個阿兄真勇健 | 這是上帝大恩典 上帝祝福咱兄妹 Ta̍k 年今日相 kap 坐 Siōng-tè siúⁿ-sù chin kàu-gia̍h Gō͘-só liāu-lí chin hó-chia̍h Chia̍h kàu tāi-ke chhiò-hi-hi Hoaⁿ-hí gō͘-ko la̍k-cha̍p-nî 上帝賞賜真夠額 | 五嫂料理真好食 食到大家笑嘻嘻 歡喜五哥六十年 Ǹg-bāng chhit-cha̍p koh saⁿ-kìⁿ Siōng-tè sù-hok ná ke-thiⁿ Gō͘-ko iā-sī thiàⁿ hiaⁿ-tī Sió-bē iā-sī chin tì-ì 向望七十koh相見 | 上帝賜福那加添 五哥也是疼兄弟 小妹也是真致意 Khó-sioh lāu-bú chá kè-sin Sió-bē hō͘ lâng khioh khì chhī Pìⁿ-chòe sè-sio̍k ê kiáⁿ-jî Gō͘-ko thiàⁿ góa sī sió-bē 可惜老母早過身 | 小妹hō͘人khioh 去飼 變做世俗ê子兒 五哥疼我是小妹 Chhin-chhiūⁿ bo̍k-chiá kín khì chhē Chhē-tio̍h sió-bē chin hoaⁿ-hí Kín-kín chhōa lâi thiaⁿ tō-lí Góa thiaⁿ tō-lí bô tèng-kin 親像牧者緊去chhē | Chhē著小妹真歡喜 緊緊chhōa來聽道理 我聽道理無釘根 Tú-tio̍h pīⁿ-thiàⁿ chin-chiàⁿ kú M̄-chai Siōng-tè sī chin-chú Koh-chài pōe-ge̍k chin Siōng-tè Tú-tio̍h chhì-liān chin-chiàⁿ chē Tú著病疼真正久 | M̄知上帝是真主 Koh再背逆真上帝 Tú著試煉真正濟 Kai-chài Siōng-tè ū pó-hō͘ Chhōa góa o̍at-thâu kiâⁿ chiàⁿ-lō͘ Taⁿ kiû Siōng-tè tio̍h chiok-hok Chiok-hok gō͘-ko ū khòai-lo̍k Kai-chài上帝有保護 | Chhōa我越頭行正路 今求上帝著祝福 祝福五哥有快樂
| |