Chháu-tun Chheng-liân-hōe
| 草屯青年會紹介委員歌 | ||||||||||||||||||||||||
| Lōa Kang | 賴江 | ||||||||||||||||||||||||
| Chháu-tun Chheng-liân-hōe Siāu-kài úi-ôan koa | 草屯青年會紹介委員歌 1.Pè Chheng-liân-hōe ê hoat-khí, Kàu-taⁿ í-keng móa nn̄g nî, Chiū khui Chóng-hōe lâi sóan-kí, Ài-sóan úi-ôan thang tī-lí. 1.敝青年會ê發起， | 到今已經滿2年， 就開總會來選舉， Ài選委員thang 治理。 2.Hōe-tiúⁿ iû-gôan Hóe-thó͘ sàng, I sī teh khui hî-pó͘ hâng, Lé-pài kui ji̍t koaiⁿ tiàm-thang, Ài hō͘ sìn-sim khah khin-sang. 2.會長猶原火土sàng, | 伊是teh 開魚脯行， 禮拜歸日關店窗， Ài hō͘ 信心較輕鬆。 3.Hù hōe-tiúⁿ sī Âng Gôan-tēng, Lāu-pē sī Kim-kang I-seng, Chheng-liân phok-ha̍k nā hùn-chì, Pùn-hōe bān-sū bē hùi-khì. 3.副會長是洪源定， | 老父是金江醫生， 青年博學若奮志， 本會萬事bē 費氣。 4.Su-kì chiū-sī Khó͘ Chúi n̂g, Keng-êng siong-gia̍p tī pún-chng, Ū-sî chhut-tiuⁿ khì chin hn̄g, Tùi tī chit-bū kam-gōan tng. 4.書記就是許水黃， | 經營商業tī 本庄， 有時出張去真遠， Tùi tī 職務甘願當。 5.Kòe-kè chiū-sī Heng-ōng sàng, Teh bē lông-kū kiam kho͘-tháng, Chháu-tun sìn-chiá thâu chi̍t-ê, Chiū-sī i ê kò͘ lāu-pē. 5.會計就是興旺sàng, | Teh 賣農具兼kho͘桶， 草屯信者頭1個， 就是伊ê 故老父。 6.Chong-kàu pō͘ sī Tân Chúi-lâi, I sī chhut-miâ lí-hoat sai, Chò lâng put-chí chin khóng-khài, Soan-thôan tō lí chin ì-ài. 6.宗教部是陳水來， | 伊是出名理髮師， 做人不止真慷慨， 宣傳道理真意愛。 7.Im-ga̍k-pō͘ Chu-ài lú-sū, Lîm Eng-sêng sī i tiōng-hu, Tùi tī im-ga̍k ū chhù-bī, Kó͘-bú gîm-si gâu chí-sī. 7.音樂部珠愛女士， | 林英成是伊丈夫， Tùi tī 音樂有趣味， 鼓舞吟詩gâu 指示。 8.Chû-siān-pō͘ sī A-gio̍k sàng, Teh chò sán-pô tiōng-iàu kang, Tùi tī pîn-bîn gâu thiàⁿ-thàng, Lāi gōa bêng-ū pūt-chí phang. 8.慈善部是阿玉sàng ， | Teh 做產婆重要工， Tùi tī 貧民gâu 疼痛， 內外名譽不止芳。 9.Kàu-io̍k-pō͘ Siok-cheng lú-sū, Lāu-pē sī góan ê Bo̍k-su, Phín-hēng put-chí thang khó-chhú, Kà Iù-tī kho gâu kó͘-bú. 9.教育部淑貞女士， | 老父是阮ê牧師， 品行不止thang 可取， 教幼稚科gâu 鼓舞。 10.I-siōng kài-siāu ê úi-ôan, Ūi Chú hi-seng chin kam-gōan, Kî-kiû Siōng-chú tōa kāng hok, Hô-pêng êng-kng kui Ki-tok. 10.以上介紹ê委員， | 為主犧牲真甘願， 祈求上主大降福， 和平榮光歸基督。 (Tâi-ôan Kàu-hōe Kong-pò tē 599 kòan, 1935 nî 2 ge̍h)(台灣教會公報第599卷，1935年2月) |
| |