Lú Soan-tō-hōe Hoan-gêng Bûn Bo̍k-su-niû ê Si
| 女宣道會歡迎文牧師娘ê詩 | ||||||||||||||
| Tân Khêng-ku | 陳瓊琚 | ||||||||||||||
| Lú Soan-tō-hōe Hoan-gêng Bûn Bo̍k-su-niû ê Si | 女宣道會歡迎文牧師娘ê詩 1.Tāi-ke hoaⁿ-hí lâi gîm-si, Kám-siā Thiⁿ Pē sù hok-khì; Chin-lí lâi Tâi lio̍k-si̍p-chhiu, Hok-im pò-thôan chôan tē-kiû. 1.逐家歡喜來吟詩， | 感謝天父賜福氣； 真理來台60秋， 福音報傳全地球。 2.Khí-thâu Má-kai Phok-sū lâi, Pò-thôan tō-lí, tû pháiⁿ-tāi; Chhin-chhiūⁿ chi̍t-lia̍p kòa-chhài-chí, Heng-ōng tōa châng , Chú hoaⁿ-hí. 2.起頭馬偕博士來， | 報傳道理，除歹事； 親像1粒芥菜子， 興旺大欉，主歡喜。 3.Phok-ài chû-pi Bo̍k-su-niû, Bú-hōe phài lí kàu Tang-iûⁿ, Ài chiok Pak-pō͘ Sōan-chio̍h nî, Chān góan sìn-sim jú ke-thin. 3.博愛慈悲牧師娘， | 母會派你到東洋， Ài 祝北部鑽石年， 贊阮信心愈加添。 4.Bú-hōe un-chêng chin-chiàⁿ tōa, Hok-im bô kàu , góan bōe o̍ah; Ài pò bú-un lóng bōe-ōe, Piáu ì lâi khui Hoan-gêng-hōe. 4.母會恩情真正大， | 福音無到，阮bōe 活； Ài報母恩攏bōe 會， 表意來開歡迎會。 5.Gōan Chú Iâ-so͘ lâi pang-chān, Ke-thiⁿ sìn-tò͘ bû-sò͘-bān; Gōan Pē chiok-hok chit ê hōe, Ná kú ná tōa , lâng ná chōe. 5.願主耶穌來幫贊， | 加添信徒無數萬； 願父祝福這個會， 那久那大，人那濟。 (Tâi-ôan Kàu-hōe-pò tē 566 kòan, 1932 nî 5 ge̍h)(台灣教會報第566卷，1932年5月) |
| |