Kì-liām Kai Bo̍k-su ê Si
| 紀念偕牧師ê詩 | ||||||||||||||||||||||||||||
| Chiong Ông-iû | 章王油 | ||||||||||||||||||||||||||||
| Kì-liām Kai Bo̍k-su ê Si | 紀念偕牧師ê詩 1. Sèng Sîn kàng-lîm tī Kai Jōe-lí, Chú-āu it-pat-ngó͘-sam liâm sî; Sui-jiân i sī cha̍p-hè gín-ná, Siū Sèng Sîn liáu-āu chiū hó-táⁿ. 1.聖神降臨tī偕睿理， | 主後一八五三年時； 雖然伊是10歲囡仔， 受聖神了後就好膽。 Kì-tit Chú bēng-lēng chiū koat-sim, Beh khì phó͘-thiⁿ-ē thôan Hok-im; I keng-kè saⁿ-sì keng tāi-ha̍k, Ūi-tio̍h Chú ta̍k-sî jīn-chin tha̍k. 記得主命令就決心， | Beh去普天下傳福音， 伊經過3、4間大學， 為著主逐時認真讀。 Chún-pī hiàn hō͘ Chú chòe khì-khū, Lūn tì-hūi kap kháu-châi lóng ū; Hit-sî Bú-hōe khòaⁿ i chin khí, Phài i khì īⁿ-pang thôan tō-lí. 準備獻hō͘主做器具， | 論智慧佮口才攏有， Hit時母會看伊真起， 派伊去異邦傳道理。 Kai Jōe-lí ê sim-koaⁿ pek-chhiat, Chiū kap i ê chhin-cho̍k lī-pia̍t; It-pat-chhit-it nî ê sî-tāi, Tah chûn lâi kàu Tang-iûⁿ só͘-chāi. 偕睿理ê心肝迫切， | 就佮伊ê親族離別； 1871年ê時代， 搭船來到東洋所在。 Thài chai Tâi-ôan Pak-pō͘ tē-hng; Peh-sìⁿ lóng bô chiò-tio̍h chin kng; Ta̍k lâng gûi-hiám teh-beh tîm-lûn, I koat-ì lâi chín-kiù lêng hûn. Thài知台灣北部地方， | 百姓攏無照著真光， 逐人危險teh-beh 沈淪， 伊決意來拯救靈魂。 Lí Bo̍k-su chhōa i kàu Tām-súi, I sàng i kàu Tōa-siā hit-ūi; Tńg kàu Tām-súi sì-ge̍h chhe-la̍k, Chhut-la̍t chio hó ha̍k-seng lâi tha̍k. 李牧師chhōa 伊到淡水， | 伊送伊到大社hit位； 轉到淡水4月初6， 出力招好學生來讀。 2. Lūn Kai Jōe-lí i ê chòe lâng, Sìn-gióng kian-kò͘ m̄-bat iô-tāng; Sui-jiân tú-tio̍h sìⁿ-miā gûi-hiám, Hó-táⁿ ūi Chú chòe kang m̄ siám. 2. 論偕睿理伊ê做人， | 信仰堅固m̄-bat搖動； 雖然抵著生命危險， 好膽為主做工m̄ 閃。 Kà-sī ha̍k-seng kiam sûn kàu-hōe, Chīn-la̍t chòe, bô hiâm sū-bū chōe; Hioh-khùn ê sî i chiū khòaⁿ chheh, Kiaⁿ kà pa̍t-lâng ka-kī khiàm-kheh. 教示學生兼巡教會， | 盡力做，無嫌事務濟； 歇睏ê時伊就看冊， 驚教別人家己欠缺。 Kai Jōe-lí ke̍k-kî ū jîn-ài, Siông-siông khòa-lū pa̍t lâng ê tāi; Ka-kī khek-khó͘ pang-chān pa̍t lâng, M̄-ài miâ-siaⁿ kap Chú saⁿ-tâng. 偕睿理極其有仁愛， | 常常掛慮別人ê事； 家己刻苦幫贊別人， m̄-ài名聲佮主相同。 Iā bat i-su̍t kiù-tī pīⁿ-lâng, I gâu tông-chêng in ê khó͘-thàng; Chit-khóan chhut-la̍t thian-kok Keng-êng. Kiàn-siat pài-tn̂g gō͘-cha̍p-la̍k keng. 也bat醫術救治別人， | 伊gâu同情in ê苦痛； 這款出力天國經營， 建設拜堂56間。 Ū khui i-kóan, siu-iông hōan-chiá, Si-liâu hó io̍h, hō͘ lâng lâi niá; Iā khí ha̍k-hāu ióng-sêng jîn-châi, Ūi Chú lō͘-ēng chhut-khì saⁿ-thâi. 有開醫館，收容患者， | 施療好藥，hō͘人來領； 也起學校養成人才， 為主路用出去相thâi。 It-kiú-khòng-it nî Ia̍k-ge̍h jī, Siōng-tè tiàu Kai Jōe-lí kui I; Siat-kàu chì kim ū la̍k-cha̍p nî, Tui-liām i khó͘-sim thôan tō-lí.1901年6月2， 上帝召偕睿理歸伊； 設教至今有60年， 追念伊苦心傳道理。 | [Kòa-chhài-chí Tē 77 hō (Tâi-ôan Kàu-hōe-pò Tē 567 hō, 1932 nî 6 ge̍h][芥菜子第77號（台灣教會報第567號），1932年6月] |
| |