Iâ-so͘ kap Sat-má-lī-a ê hū-jîn-lâng
| 耶穌kap撒馬利亞ê婦人人 | ||||||||||||||
| Chiong Ông-iû | 章王油 | ||||||||||||||
| Iâ-so͘ kap Sat-má-lī-a ê hū-jîn-lâng | 耶穌kap撒馬利亞ê婦人人 （Tiāu ēng “Take my life,” chok-khek- chiá Wm. B. Bradbury.）| （調用「Take my life」，作曲者Wm. B. Bradbury） | 1.Iâ-so͘ keng-kè Sat-má-lī-a, Kūn tī Iok-sek ê tōe Sū-ka; Tī-hia ū Ngá-kok ê chúi-chíⁿ, Chú kiâⁿ lō͘ siān, chē tī chíⁿ piⁿ; Ha̍k-seng ji̍p siâⁿ bóe chia̍h ê sî, Kan-ta chhun Chú tī-hia ka-kī; Ài thôan tō-lí hō͘ hiah ê lâng, Chiū thàn ki-hōe liâm-piⁿ chòe kang. 1.耶穌經過撒馬利亞， | 近tī 約瑟ê地Sū-ka; Tī-hia 有雅各ê水井， 主行路siān,坐tī 井邊； 學生入城買食ê 時， Kan-ta chhun主ti-hia家己； Ài傳道理hō͘ hiah-ê 人， 就趁機會liâm-piⁿ做工。 2.Sat-má-lī-a ê hū-jîn-lâng, Beh chhiūⁿ chúi tòa pân kap chúi-tháng; Iâ-so͘ ài ēng chúi chòe būn-tôe, Só͘-í tùi i thó chúi chi̍t poe; Hū-jîn kóng lín góan bô óng-lâi, Siáⁿ-sū tùi góa thoch2ui ê tāi; Chú kóng nā lūn Siōng-tè ê un, Chiū bô hun lín góan lóng ū hūn. 2.撒馬利亞ê婦人人， | Beh chhiūⁿ 水tòa 瓶kap水桶； 耶穌ài用水做問題， 所以tùi 伊討水1杯； 婦人講lín 阮無往來， 啥事tùi 我討水ê事； 主講若論上帝ê恩， 就無分lín 阮攏有份。 3.Hū-jîn bô bêng chit ê ì-gī, Chiū ēng chōe-chōe ōe lâi mn̄g i ; Lō͘-bé sìn I sī sian-ti lâng, Chiah mn̄g kèng-pài Siōng-tè chit hāng; Chú kóng Siōng-tè chiū-sī chin Sîn, Sêng-si̍t pài I bián ēng chîⁿ-gîn; Koh mn̄g lí sī Bí-sài-a mah, Ìn kóng chiàu lí ê ōe sī lah. 3.婦人無明這個意義， | 就用濟濟話來問伊； 路尾信伊是先知人， 才問敬拜上帝這項； 主講上帝就是真神， 誠實拜伊免用錢銀； Koh問你是彌賽亞mah， 應講照你ê 話是lah。 4.Ha̍k-seng bóe mi̍h lâi tùi chhī-koe, Khòaⁿ-kìⁿ Chú teh kap i kóng-ōe, Sīm-koaⁿ hóan-tńg siⁿ-khí giâu-gî, Chôan-jiân m̄-chai Chú ài kiù i ; Hū-jîn liâm-piⁿ ji̍p siâⁿ pò-iông, Chèng-lâng thiaⁿ i kóng hoaⁿ-hí chiông; Tāi-ke jīn I chin sī Ki-tok, Sìn I chèng-lâng ún ji̍p thian-kok. 4.學生買物來tùi 市街， | 看見主teh kap伊講話； 心肝反轉生起giâu 疑， 全然m̄ 知主ài救伊； 婦人liâm-piⁿ入城報揚， 眾人聽伊講歡喜從； 逐家認伊真是基督， 信伊眾人穩入天國。 (Tâi-ôan Kàu-hōe Kong-pò tē 568 kòan, 1932 nî 7 ge̍h)(台灣教會公報第568卷，1932年7月) |
| |