Chheng-liân-hōe-koa
| 青年會歌 | ||||||||||
| Tēⁿ Khe-phòan | 鄭溪泮 | ||||||||||
| Chheng-liân-hōe-koa | 青年會歌 1.Tī Chú soaⁿ-piⁿ, góa sim hiahⁿ-chhíⁿ, Óan-jiân ná chēng-chúi-piⁿ; Hoe-ba̍k bō͘-sēng, chhiⁿ-chhùi tn̂g nî, Chiáu-chiah gîm si hoaⁿ-hí. Ū Chú lâm-lú, chheng-liân iûⁿ siaⁿ, Thiⁿ gîm tē hô, thôan-thé kiat chiâⁿ, Pò-thôan : Lêng, Tì, Tek, Thé chiâu-pī, Ūi Chú, ūi góa kap lí. 1.Tī主山邊，我心hiahⁿ 醒， | 宛然若靜水邊； 花木茂盛，青翠長年， 鳥隻吟詩歡喜。 有主男女，青年揚聲， 天吟地和，團體結成， 報傳：靈、智、德、體齊備， 為主，為我kap你。 2.Chheng-liân lâm-lú, siaⁿ-im chê gîm, Hô-hâi soaⁿ kôan hái chhim; Kap Chú kiat-liân saⁿ-thiàⁿ bô chīn, Lêng-hûn, tì-hūi ji̍t sin . Thian-kok tì-hūi, o̍ah-miā pún-gôan, Pek-chhiat khún-kiû, Chú sù ôan-chôan, Chhim chai sè-kài ò-biāu bô chīn, Ūi Chú, ūi lán Tó-bîn. 2.青年男女，聲音齊吟， | 和諧山懸海深； Kap主結連相疼無盡， 靈魂，智慧日新。 天國智慧，活命本源， 迫切懇求，主賜完全， 深知世界奧妙無盡， 為主，為咱島民。 3.Tek-hēng tùi Chú sèng-kiat ôan-chiâⁿ, Sin-thè pêng-an ióng-kiāⁿ, Hia̍p-le̍k tâng-sim, hián-chhut saⁿ-thiàⁿ, Ná kú ná hó miâ-siaⁿ. Gōan lán tāi-ke, sim tâng it thé, Jia̍t-sim khò Chu̍, hian thiⁿ kōaⁿ tē, Lī-ek chèng-lâng, êng kui Siōng-tè, Chheng-liân-hōe bān-bān sè. 3.德行tùi 主聖潔完成， | 身體平安勇健， 協力同心，顯出相疼， 那久那好名聲。 願咱逐家，心同一體， 熱心靠主，掀天kōaⁿ地， 利益眾人，榮歸上帝， 青年會萬萬世。 (Tâi-ôan Kàu-hōe-pò tē 556 kòan, 1931 nî 7 ge̍h)（台灣教會報第556卷，1931年7月） |
| |