Gōan Chú bô pàng-sak
| 願主無放sak | ||||||||||||||||
| Chhòa Pôe-hóe | 蔡培火 | ||||||||||||||||
| Gōan Chú bô pàng-sak | 願主無放sak 1.To̍k-it chì-chun ê Siōng-tè, Lí sī góan lâng ê Thiⁿ-pē, Bān-mi̍h lóng siū Lí chhòng-chō, Bān-sū lòng kui Lí thóng-chè, Gōan Chú bô pàng-sak, Tâi-ôan iā sī sio̍k Lí ê, Gōan Chú bô pàng-sak, Tâi-ôan iā sī sio̍k Lí ê . 1.獨一至尊ê上帝， | 你是阮人ê天父， 萬物攏受你創造， 萬事攏歸你統制， 願主無放sak ， 台灣也是屬你ê ， 願主無放sak ， 台灣也是屬你ê 。 2.Gio̍k-san chiū-sī Sin-ko-soaⁿ, Thiⁿ-pē hō͘ i kàu hiah kôan, Soaⁿ-téng thiⁿ-kng hiah-ni̍h chá, Soaⁿ-ē m̄-thang hō͘ chiah bān, Gōan Chú bô pàng-sak, Iōng Lí ê kng lâi chiò góan, Gōan Chú bô pàng-sak, Iōng Lí ê kng lâi chiò góan . 2.玉山就是新高山， | 天父hō͘ 伊到hiah 懸， 山頂天光hiah-ni̍h早， 山下m̄-thang hō͘ chiah 慢， 願主無放sak ， 用你ê 光來照阮， 願主無放sak ， 用你ê 光來照阮。 3.Chheng-chheng hō͘-chúi tùi thiⁿ lo̍h, Lô-chúi khe-lâu chin-chiàⁿ lô, Pē só͘ siúⁿ-sù pún chheng-khì, Tùi góan ê chōe piàn m̄-hó, Gōan Chú bô pàng-sak, Siúⁿ-sù khùi-la̍t thang kái-kò, Gōan Chú bô pàng-sak, Siúⁿ-sù khùi-la̍t thang kái-kò. 3.清清雨水tùi 天落， | 濁水溪流真正濁， 父所賞賜本清氣， Tùi 阮ê罪變m̄ 好， 願主無放sak ， 賞賜氣力thang 改過， 願主無放sak ， 賞賜氣力thang 改過。 4.A-tong hōan chōe tī Lo̍k-hn̂g, Sè-kan tùi hia chiū bô kng, Góan nā iáu beh tòe i khì, Chōe ê kè-chîⁿ tio̍h tam-tng, Gōan Chú bô pàng-sak, Kiò góan kóaⁿ-kín o̍at tò-tńg, Gōan Chú bô pàng-sak, Kiò góan kóaⁿ-kín o̍at tò-tńg . 4.亞當犯罪tī 樂園， | 世間tùi hia 就無光， 阮若iáu beh tòe 伊去， 罪ê價錢著擔當， 願主無放sak ， 叫阮趕緊越倒轉， 願主無放sak ， 叫阮趕緊越倒轉。 5.Sèng-kiáⁿ lâ-so͘ thè góan sí, Bān-poaⁿ chōe-ok lóng siau-tî, Tāi-ke m̄-bián koh khó͘-náu, Thian-tông mn̂g lō͘ í-keng khui, Chú bô pàng-sak góan, Hō͘ góan hó-táⁿ chìn ji̍p-khì, Chú bô pàng-sak góan, Hō͘ góan hó-táⁿ chìn ji̍p-khì . 5.聖子耶穌替阮死， | 萬般罪惡攏消除， 逐家m̄ 免koh苦惱， 天堂門路已經開， 主無放sak 阮， Hō͘阮好膽進--入-去， 主無放sak 阮， Hō͘阮好膽進--入-去。 6.Taⁿ góan tâng-sim khiā tī chia, Pek-chhiat khún-kiû chōe tit sià, Pē nā ài góan chò hiàn-chè, Ū Chú chhōa góan góan kám-siā, Chú bô pàng-sak góan, Chí gōan Tâi-ôan chò Sèng-siâⁿ, Chú bô pàng-sak góan, Chí gōan Tâi-ôan chò Sèng-siâⁿ. 6.今阮同心企tī chia ， | 迫切懇求罪得赦， 父若ài阮做獻祭， 有主chhōa 阮阮感謝， 主無放sak 阮， 只願台灣做聖城， 主無放sak 阮， 只願台灣做聖城。 (Tâi-ôan Kàu-hōe-pò tē 539 kòan, 1930 nî 2 ge̍h)(台灣教會報第539卷，1930年2月) |
| |