回目錄 回上一頁 本篇文章總共有 5 個段落, 15 個語句, 94 個語詞, 140 個音節
Chiok-hok Tāi-ke kòe Sin-nî 祝福大家過新年
Toh Tōan 卓緞
  Siōng-tè chiok-hok ū hok-khì
Sī I kéng-sóan ê kiáⁿ-jî
Chhōa lán pêng-an kòe sin-nî
Sin-nî lō͘-chām Chú tài-niá
上帝祝福有福氣
是伊揀選ê子兒
Chhōa 咱平安過新年
新年路站主帶領
  Só͘ kiâⁿ só͘ chòe chiàu hoat-tō͘
Chiū ōe êng-kng Chú Iâ-so͘
Kiù-chú sī lán ê kng-teng
Thâu-chêng ê lō͘ chin kng-bêng
所行所做照法度
就會榮光主耶穌
救主是咱ê光燈
頭前ê 路真光明
  Chiū bōe tio̍h-tak lâi po̍ah-tó
Bián kiaⁿ lêng-hûn ōe bia̍t-bô
Kiù-chú sī lán ê o̍ah-miā
Chòe thâu chhōa lán tè I kiâⁿ
就bōe 著tak 來跋倒
免驚靈魂會滅無
救主是咱ê活命
做頭chhōa 咱tè 伊行
  Khîⁿ Chú tiâu-tiâu m̄-bián kiaⁿ
Chhōa lán pêng-an kàu Thiⁿ-siâⁿ
Siâⁿ-chhiûⁿ chin-chu pó-ge̍k súi
Thô͘-kha pho͘ kim kng-iáⁿ-iáⁿ
Khîⁿ主tiâu-tiâu m̄免驚
Chhōa咱平安到天城
城牆真珠寶玉súi
塗腳鋪金光iáⁿ-iáⁿ
  Tāi-ke chàn-bí chhut tōa-siaⁿ
O-ló chheng-chàn Chú Sèng-miâ
Ha-le-lu-iah o-ló Chú
Chiok tāi-ke sin-nî kiong-hí
大家讚美出大聲
O-ló稱讚主聖名
Ha-le-lu-iaho-ló主
祝大家新年恭喜
回目錄    回上一頁    終戰後,   1995年, 詩