回目錄 回上一頁 本篇文章總共有 8 個段落, 20 個語句, 125 個語詞, 202 個音節
Chhòng-chō Thiⁿ-tē Bān-mi̍h ê Siōng-tè 創造天地萬物ê上帝
Toh Tōan 卓緞
  Kám-siā Siōng-tè siōng úi-tāi
Chhòng-chō kôaiⁿ-soaⁿ kap tōa-hái
Iā chhòng-chō lâng lâi kóan-lí
感謝上帝上偉大
創造懸山kap大海
也創造人來管理
  Hái-té hî-pih móa-móa-sī
Chhiū-ba̍k chhân-hn̂g I kòan-kò͘
Lo̍h-hō͘ hó-thiⁿ ji̍t-thâu pha̍k
Mî-sî lō͘-chúi lâi kòan-ak
海底魚鱉滿滿是
樹木田園伊眷顧
落雨好天日頭曝
暝時露水來灌沃
  Iúⁿ-chhī peh-sìⁿ chin kàu-gia̍h
Lán tio̍h jia̍t-sim lâi kám-siā
Siōng-tè sī lán ê Thiⁿ-pē
Lán tio̍h m̄-thang lâi ûi-keh
養飼百姓真夠額
咱著熱心來感謝
上帝是咱ê天父
咱著m̄-thang來違逆
  Siōng-tè tō-lí lâi kà-sī
M̄-thang phian-chō lán ka-kī
Lán tio̍h choan-sim siú tō-lí
Tè Chú kha-pō͘ ū hok-khì
上帝道理來教示
M̄-thang偏造咱家己
咱著專心守道理
Tè主腳步有福氣
  Hó-pháiⁿ Siōng-tè hó chí-ì
Tio̍h-ài pàng-sim kau-thok I
Chiah ū pêng-an kòe ji̍t-chí
Sèng-sîn káu-lia̍p ê kóe-chí
好歹上帝好旨意
著ài放心交託伊
才有平安過日子
聖神九粒ê果子
  Chiū-sī Jîn-ài, Hoaⁿ-hí, Hô-pêng, Thun-lún,
Chû-pi, Siān-liông, Tiong-sìn, Un-jiû, Chún-chat (Ka-lia̍p-thài 5:22)
Chiah ê bô lu̍t-hoat thang kìm I
就是仁愛、歡喜、和平、吞忍、
慈悲、善良、忠信、溫柔、撙節(加拉太5:22)
Chiah-ê無律法thang禁伊
  Pi-bî bû-ēng góa chi̍t-ê卑微無用我一個
  Bōe-thang khòan-kái kóng chin bêng
Chí-ū khò Chú tōa tek-sèng
Kám-siā kiù-chú un ke̍k-tōa
Kī-tó kám-siā lóng bô soah
Bōe-thang勸解講真明
只有靠主大得勝
感謝救主恩極大
祈禱感謝攏無煞
回目錄    回上一頁    終戰後,   1994年, 詩