回目錄 回上一頁 本篇文章總共有 7 個段落, 22 個語句, 140 個語詞, 203 個音節
Khòan-sè Si 勸世詩
Toh Tōan 卓緞
  Lán chò-lâng tio̍h-ài khiam-pi
M̄-thang o-ló lán ka-kī
Siōng-tè hoaⁿ-hí ê kiáⁿ-jî
Chiah ōe tiàm Chú ê sin-piⁿ
咱做人著ài謙卑
M̄-thang o-ló咱家己
上帝歡喜ê子兒
才會tiàm主ê身邊
  Chú ê kiù-un tōa bô-pí
Kiù lán lêng-hûn m̄-bián sí
Lán tio̍h kám-siā lâi o-ló
M̄-thang ko͘-hū Chú kong-lô
主ê救恩大無比
救咱靈魂m̄免死
咱著感謝來o-ló
M̄-thang辜負主功勞
  Chú lâi sè-kan chiâⁿ-chòe lâng
Thoa-bôa lô-khó͘ kap lán tâng
Bô lia̍h ka-kī sī kun-ông
Sūn-ho̍k Siōng-tè chin úi-tāi
主來世間成做人
拖磨勞苦kap咱同
無lia̍h 家己是君王
順服上帝真偉大
  Hō͘-lâng khòaⁿ-khin m̄ eng-kai
Chú ê siū khó͘ lán ài chai
Kiù-chú sūn-ho̍k tùi pē lâi
Lán tio̍h chai-chōe kín hóe-kái
Hō͘人看輕不應該
主ê受苦咱ài知
救主順服tùi父來
咱著知罪緊悔改
  Chú beh sio̍k-hôe lán chiong-lâi
Sè-kan o͘-àm chin kiaⁿ-hiâⁿ
Lán tio̍h kéng-séng sòe-jī kiâⁿ
Tè Chú kha-pō͘ ài sì-chiàⁿ
主beh贖回咱將來
世間烏暗真驚惶
咱著警醒細膩行
Tè主腳步ài四正
  Mô͘-kúi hiong-ok m̄-bián kiaⁿ
Siōng-tè chiàn-kah hō͘ lán chhēng
Chiū ū ióng-kám khì chiàn-cheng
Tùi-te̍k beh lâi chin lī-hāi
魔鬼凶惡m̄免驚
上帝戰甲hō͘咱穿
就有勇敢去戰爭
對敵beh來真厲害
  Siōng-tè lāi-kiàm kah i thâi
Hō͘ I chai-chōe lâi hóan-hóe
Ka-kī khiam-pi lâi jīn chōe
Siōng-tè hoaⁿ-hí siū chiok-hok
Chú beh chhōa lán chiūⁿ thian-kok
上帝利劍kap伊thâi
Hō͘伊知罪來反悔
家己謙卑來認罪
上帝歡喜受祝福
主beh chhōa 咱上天國
回目錄    回上一頁    終戰後,   1992年, 詩