回目錄 回上一頁 本篇文章總共有 7 個段落, 20 個語句, 125 個語詞, 189 個音節
Kám-un Si 感恩詩
Toh Tōan 卓緞
  Kám-siā kiù-chú lîm-bîn góa
Kā góa khui-to chin khòaⁿ-o̍ah
Chin-chiàⁿ pêng-an lóng bô kiaⁿ
Sì-cha̍p-hun khui-to chiâu pī
感謝救主憐憫我
Kā我開刀真快活
真正平安攏無驚
四十分開刀chiâu 備
  Góa lóng m̄-chai chhin-chhiūⁿ sí
Nā hō͘ góa án-ni tńg-khì
Chin-chiàⁿ khòaⁿ-o̍ah koh pêng-an
Siōng-tè hō͘ góa koh-chài o̍ah
我攏m̄知親像死
若hō͘我án-ni轉--去
真正快活koh平安
上帝hō͘我koh再活
  Hō͘ góa thang chai Chú khòai lâi
Tio̍h-ài chún-pī lâi tán-thāi
Chú lâi sî-kan bô-lâng chai
Hō͘我通知主快來
著ài準備來等待
主來時間無人知
  Kám-siā thiàⁿ Chú chèng hiaⁿ-ché
Ūi góa kî-tó Chú ū thiaⁿ
Hō͘ góa chiām-chiām tit ióng-kiāⁿ
感謝疼主眾兄姊
為我祈禱主有聽
Hō͘我漸漸得勇健
  Kám-siā úi-tāi pē Siōng-tè
Thiàⁿ góa chōe-jîn ê chi̍t-ê
Kám-siā Īⁿ-tiúⁿ ū lêng-le̍k
Kín-kip lia̍h-chòe sī ūi-thiàⁿ
感謝偉大父上帝
疼我罪人ê一個
感謝院長有能力
緊急lia̍h 做是胃疼
  Phok-jîn pīⁿ-īⁿ tit kiám-cha
Īⁿ-tiúⁿ tōan-tēng táⁿ kiat-chio̍h
Khòaⁿ góa chêng-hêng chin ióng-kám
Sêng-siu chi̍t-ê káu-cha̍p-hòe
博仁病院得檢查
院長斷定膽結石
看我情形真勇敢
承收一個九十歲
  Īⁿ-tiúⁿ chin-chiàⁿ ū miâ-siaⁿ
Káⁿ kiù nî-lāu ê sìⁿ-miā
Hō͘ góa chin-kín tit ióng-kiāⁿ
Īⁿ-tiúⁿ khùi-la̍t ū lêng-thong
Chiok I pīⁿ-īⁿ ná sêng-kong
院長真正有名聲
敢救年老ê生命
Hō͘我真緊得勇健
院長氣力有靈通
祝伊病院那成功
回目錄    回上一頁    終戰後,   1991年, 詩