回目錄 回上一頁 本篇文章總共有 6 個段落, 16 個語句, 99 個語詞, 153 個音節
Chiok-si 祝詩
Toh Tōan 卓緞
  Siōng-tè chiok-hok Lí Bûn-Tián
Hong-li̍p Bo̍k-su tōa hoat-tián
Só͘ khiā Sèng-tiān ū teng-tâi
Khiā tī kôaiⁿ-kôaiⁿ chiò lo̍h-lâi
上帝祝福李文典
封立牧師大發展
所企聖殿有燈檯
企tī 懸懸照落來
  Chiò tī o͘-àm ê só͘-chāi
Lâng-lâng ná khòaⁿ ná ì-ài
Taⁿ kiû Siōng-tè kàng lêng-le̍k
Thôan Chú hok-im tōa tek-sèng
照tī 烏暗ê 所在
人人那看那意愛
今求上帝降能力
傳主福音大得勝
  Chòe Chú lô͘-pok ū khùn-lân
Siōng-tè chiok-hok ū pêng-an
Nā ū tùi-te̍k beh hām-hāi
Siōng-tè lāi-kiàm kah i thâi
做主奴僕有困難
上帝祝福有平安
若有對敵beh陷害
上帝利劍kap伊thâi
  Hō͘ i chai-chōe lâi hóan-hóe
Ka-kī khiam-pi lâi jīn-chōe
Siōng-tè hoaⁿ-hí siū chiok-hok
Tāi-ke tâng-sim ji̍p Thian-kok
Hō͘伊知罪來反悔
家己謙卑來認罪
上帝歡喜受祝福
大家同心入天國
  Bo̍k-su-niû miâ Tēⁿ Bûn-Lí
Iā-ū chin súi ê chéng-chí
Chhiú giâ tek-sèng ê chiàn-kî
牧師娘名鄭文理
也有真súi ê 種籽
手giâ 得勝ê 戰旗
  Teh chhiùⁿ Ha-le-lu-ia
Kám-siā Chú o-ló Chú miâ
Ti̍t-kàu bān-bān-nî kú-kú
Teh 唱Ha-le-lu-ia
感謝主o-ló主名
得到萬萬年久久
回目錄    回上一頁    終戰後,   1991年, 詩