回目錄 回上一頁 本篇文章總共有 6 個段落, 18 個語句, 104 個語詞, 168 個音節
Chiok sèng-tàn_2 祝聖誕(二)
Toh Tōan 卓緞
  Kim-ji̍t tāi-ke chin hoaⁿ-hí
Chiū-sī Sèng-tàn hó ji̍t-chí
O-ló thiàu-bú iā chhiùⁿ-koa
Kám-siā thiàⁿ-thàng Iâ-hô-hôa
今日大家真歡喜
就是聖誕好日子
O-ló跳舞也唱歌
感謝疼痛耶和華
  Chì-chun chì-tōa pē Siōng-tè
Chhe I sèng-kiáⁿ lâi kiù-sè
Beh kiù sè-kan chèng tāi-ke
Chú sī Siōng-tè ê Sèng-kiáⁿ
至尊至大父上帝
差伊聖子來救世
Beh救世間眾大家
主是上帝ê聖子
  Siōng-tè chhòng-chō sè-kan-lâng
Tek-chōe Siōng-tè chōe ke̍k tāng
Kiù-chú hi-seng lâi tháu-pàng
Lâi kiù sè-kan bān-bān-lâng
上帝創造世間人
得罪上帝罪極重
救主犧牲來tháu 放
來救世間萬萬人
  Tit-kiù ê lâng chin-chiàⁿ chē
M̄ sìn ê lâng móa sì-kè
Chú sī thiⁿ-téng ê kun-ông
Kàng-lo̍h sè-kan lâi chun-chông
得救ê人真正濟
M̄信ê人滿四界
主是天頂ê君王
降落世間來遵崇
  Lán ū kiù-chú thang óa-khò
Nā bô hóan-hóe ōe bia̍t-bô
Kiù-chú thòng-khó͘ lâi hi-seng
Sūn-ho̍k Siōng-tè hō͘-lâng tèng
咱有救主thang倚靠
若無反悔會滅無
救主痛苦來犧牲
順服上帝hō͘人釘
  Hō͘-lâng tèng tī si̍p-jī-kè
Lâu-chhut pó-huih kiù tāi-ke
Lán ū tit-kiù ū o̍ah-miā
O-ló kiù-chú sèng-chun-miâ
Hō͘人釘tī 十字架
流出寶血救大家
咱有得救有活命
O-ló救主聖尊名
回目錄    回上一頁    終戰後,   1991年, 詩