回目錄 回上一頁 本篇文章總共有 11 個段落, 26 個語句, 169 個語詞, 265 個音節
Chiok sèng-tàn_1 祝聖誕(一)
Toh Tōan 卓緞
  Khèng-chiok sèng-tàn chin hoaⁿ-hí
Kám-siā Siōng-tè tōa chû-pi
Chhe I Sèng-kiáⁿ lâi chhut-sì
慶祝聖誕真歡喜
感謝上帝大慈悲
差伊聖子來出世
  Ū chhiⁿ chhut-hiān lâi chí-sī
Beh chhōa phok-sū khì chhē I
Phok-sū tè chhiⁿ lâi chìn-hêng
Chhōa kàu bé-tiâu chhiⁿ chiū thêng
有星出現來指示
Beh chhōa博士去chhē伊
博士tè 星來進行
Chhōa到馬tiâu 星就停
  Phok-sū kàu-ūi chin hoaⁿ-hí
Chiū tī bé-tiâu lâi chhut-sì
Phok-sū hoaⁿ-hí chìn ji̍p-khì
Khòaⁿ-kìⁿ eⁿ-á khùn tī bé-chô lāi
博士到位真歡喜
就tī 馬tiâu 來出世
博士歡喜進入去
看見嬰仔睏tī 馬槽內
  Chin-chiàⁿ kó͘-chui chin khó-ài真正古錐真可愛
  Saⁿ-ūi phok-sū kūi-lo̍h-khì
Hoaⁿ-hí kiù-chú lâi chhut-sì
Chiū khui pó-a̍h hiàn lé-mi̍h
Hiàn hō͘ bān-ông chin hoaⁿ-hí
三位博士跪--落去
歡喜救主來出世
就開寶盒獻禮物
獻hō͘萬王真歡喜
  Kiù-chú chhut-sì sè-kan chiâⁿ-chòe lâng
Thoa-bôa lô-khó͘ lóng saⁿ-tâng
Siōng-tè thiàⁿ-sioh I Sèng-kiáⁿ
It-chhè sūn-ho̍k kā I chiâⁿ
救主出世世間成做人
拖磨勞苦攏相同
上帝疼惜伊聖子
一切順服kā 伊成
  Chú sī thiⁿ-téng ê kun-ông
Kàng-lo̍h sè-kan lâi chun-chông
Sūn-ho̍k Siōng-tè hō͘ lâng hāi
Ūi-tio̍h tō-lí chôan-sè-kài
主是天頂ê君王
降落世間來遵崇
順服上帝hō͘人害
為著道理全世界
  Cha̍p-jī sú-tô͘ lâi kun-tè
Chhut-tio̍h chi̍t-ê kā I bē
Bē-chú si̍t-chāi kan-khó͘ kè
Siūⁿ lâi siūⁿ khì siūⁿ bô pō͘
十二使徒來跟tè
出著一個kā 伊賣
賣主實在艱苦過
想來想去想無步
  Tiàu-sí po̍ah-tó phak--lo̍h-khì
Pak-tó͘ piak-lī tn̂g-á chiū lâu-chhut
Kiù-chú sūn-ho̍k lán Thiⁿ-pē
Ūi-tio̍h sè-kan chèng tāi-ke
吊死跋倒仆--落去
腹肚piak離腸仔就流出
救主順服咱天父
為著世間眾大家
  Hō͘-lâng tèng tī si̍p-jī-kè
Lâu chhut pó-huih kiù tāi-ke
Tè Chú ê lâng ū hok-khì
Chú ê kiù-un khah-tōa thiⁿ
Hō͘人釘tī 十字架
流出寶血救大家
Tè主ê人有福氣
主ê救恩較大天
  Ha-le-lu-ia kám-siā ChúHa-le-lu-ia感謝主
回目錄    回上一頁    終戰後,   1991年, 詩