回目錄 回上一頁 本篇文章總共有 5 個段落, 16 個語句, 91 個語詞, 146 個音節
Khèng-chiok Bú-chhin Chin Úi-tāi 慶祝母親真偉大
Toh Tōan 卓緞
  Khèng-chiok bú-chhin chin úi-tāi
Io-kiáⁿ hôan-ló bô lâng chai
La̍k-sái la̍k-jiō siōng úi-tāi
慶祝母親真偉大
Io子煩惱無人知
La̍k 屎la̍k 尿上偉大
  Chiām-chiām tōa-hàn chin khó-ài
Ūi kiáⁿ thoa-bôa chin hoaⁿ-hí
Tōa-hàn phái kà khì pòaⁿ-sí
Chai-pôe tha̍k-chheh chīn pún-hūn
漸漸大漢真可愛
為子拖磨真歡喜
大漢歹教氣半死
栽培讀冊盡本份
  Ǹg-bāng kiáⁿ-jî ōe seng-chûn
Pē-bú khó͘-sim teh chai-pôe
Hi-bāng hoat-tián tī siā-hōe
Koai-khá miâ-siaⁿ chin-chiàⁿ hó
向望子兒會生存
父母苦心teh 栽培
希望發展tī 社會
乖巧名聲真正好
  Pē-bú khó͘-sim ū kong-lô
Kiàn-tī ke-āu ū chhut-thâu
Iú-hàu pē-bú chiah sī gâu
Siōng-tè hoaⁿ-hí siū chiok-hok
父母苦心有功勞
建治家後有出頭
有孝父母才是gâu
上帝歡喜受祝福
  Pē-bú hoaⁿ-hí siōng khòai-lo̍k
Só͘ chòe ta̍k-hāng êng-kng Chú
Siōng-tè chiok-hok bān-nî kú
Siōng-tè un-tián góa ài chòe
Bô chòe ko͘-hū Chú kong-lô
Kám-siā Chú o-ló Chú
父母歡喜上快樂
所做逐項榮光主
上帝祝福萬年久
上帝恩典我ài做
無做辜負主功勞
感謝主o-ló主
回目錄    回上一頁    終戰後,   1990年, 詩