回目錄 回上一頁 本篇文章總共有 7 個段落, 21 個語句, 134 個語詞, 196 個音節
Io-kiáⁿ Si Io子詩
Toh Tōan 卓緞
  Lāu-bú io-kiáⁿ chin hoaⁿ-hí
Ji̍t-mî ná io ná gîm-si
Sòe-kiáⁿ ná thiaⁿ ná hó khùn
Lāu-bú khòaⁿ kiáⁿ chhiò-bûn-bûn
老母io 子真歡喜
日暝那io 那吟詩
細子那聽那好睏
老母看子笑bûn-bûn
  Hoaⁿ-hí sòe-kiáⁿ chin kó͘-chui
Io-kiáⁿ bô-ji̍t kāng bô-mî
Ji̍t--sî iā ài chí saⁿ-tǹg
Iā tio̍h sé-saⁿ ài piàⁿ-tn̄g
歡喜細子真古錐
Io子無日共無暝
日時也ài煮三頓
也著洗衫ài拚tn̄g
  Mî--sî iā tio̍h ài pó͘-thīⁿ
Thīⁿ kah saⁿ-kiⁿ kāng pòaⁿ-mî
Sòe-kiáⁿ cheng-sîn khàu ài chia̍h
Lāu-bú cheng thâu kah khap hiā
暝時也著ài補縫
縫到三更共半暝
細子精神哭ài食
老母cheng 頭kap khap 額
  M̄-kam hō͘ kiáⁿ iau kòe-ki
Kóaⁿ-kín chún-pī kā kiáⁿ chhī
Chôan-sim chiàu-kò͘ lán sòe-kiáⁿ
Hō͘ i sin-thé khah ióng-kiāⁿ
M̄甘hō͘子枵過飢
趕緊準備kā 子飼
全心照顧咱細子
Hō͘伊身體較勇健
  Lāu-bú io-kiáⁿ chiām-chiām tōa
Ē pê ē cháu bô khòaⁿ-o̍ah
Ū-sî chiàu-kò͘ nā bô hó
Hō͘ I po̍ah kàu lìn-lìn-kō
老母io 子漸漸大
會爬會走無快活
有時照顧若無好
Hō͘伊跋到lìn-lìn-kō
  Lāu-bú khòaⁿ-kìⁿ m̄-kam-sim
Kóaⁿ-kín phō khì ti̍t-ti̍t chim
Taⁿ kiû Siōng-tè lâi chiàu-kò͘
Sòe-kiáⁿ chiām-chiām ná chìn-pō͘
老母看見m̄甘心
趕緊抱去直直chim
今求上帝來照顧
細子漸漸那進步
  Chiàu-kò͘ ín-chhōa kiâⁿ chiàⁿ-lō͘
Iā ōe tè Chú ê kha-pō͘
Só͘ chòe nā ōe êng-kng Chú
Siōng-tè chiok-hok bān-nî kú
照顧引chhōa 行正路
也會tè 主ê腳步
所做若會榮光主
上帝祝福萬年久
回目錄    回上一頁    終戰後,   1990年, 詩