回目錄 回上一頁 本篇文章總共有 6 個段落, 15 個語句, 88 個語詞, 147 個音節
Chiok sèng-tàn_3 祝聖誕(三)
Toh Tōan 卓緞
  Kiù-chú kàng-seng hó ji̍t-chí
Tāi-ke hoaⁿ-hí lâi chàn-bí
Siōng-tè Sèng-kiáⁿ chin úi-tāi
Kàng-lo̍h sè-kan lâng-lâng chai
救主降生好日子
大家歡喜來讚美
上帝聖子真偉大
降落世間人人知
  Thiⁿ-pē chhe kiáⁿ kàng lo̍h-lâi
Kàng tī pi-bî ê só͘-chāi
Gia̍h-ba̍k khòaⁿ hoaⁿ-hí sî-kî
Chì-sèng eng-jî chin khiam-pi
天父差子降落來
降tī 卑微ê所在
Gia̍h目看歡喜時期
至聖嬰兒真謙卑
  Kiù-chú chhut-sì tāi-pi̍t-siâⁿ
Che-iūⁿ ê siaⁿ chin hó-thiaⁿ
Má-lī-a só͘ siⁿ eng-jî
Éng-óan hok-khì sio̍k tī I
救主出世大衛城
這樣ê聲真好聽
馬利亞所生嬰兒
永遠福氣屬tī 伊
  Taⁿ chèng bo̍k-chiá tōa kiaⁿ-hiâⁿ
Hut-jiân thiⁿ-téng kng-iáⁿ-iáⁿ
Êng-kng kiù-chú tiàm sè-kan
Kau-pôe pi-bî kan-khó͘-lâng
今眾牧者大驚惶
忽然天頂光影影
榮光救主tiàm世間
交陪卑微艱苦人
  Kng-bêng o̍ah-miā I só͘ sù
Pàng-sak êng-kng chin khiam-pi
Lo̍h-bé chhōa lán beh chiūⁿ-thiⁿ
Tôaⁿ-khîm gîm-si tâng hoaⁿ-hí
光明活命伊所賜
放sak 榮光真謙卑
落尾chhōa 咱beh上天
彈琴吟詩同歡喜
  Hióng-siū hok-khì tōa bô-píHa-le-lu-iah o-ló主
回目錄    回上一頁    終戰後,   1990年, 詩